Сярод пасажыраў самалёта, які разбіўся ў Цвярской вобласці, значыцца і Яўген Прыгожын — Расавіяцыя
Таксама гэту інфармацыю перадаюць расійскія афіцыйныя медыя.
Падчас аварыі загінулі ўсе сем пасажыраў, якія былі на борце бізнэс-джэта «Эмбраер», а таксама тры члены экіпажа.
«У самалёце, які разбіўся ў Цвярской вобласці, сярод пасажыраў значыўся Яўген Прыгожын», — перадае паведамленне Расавіяцыі ТАСС.
Сведкі катастрофы кажуць, што нешта бахнула два разы.
Самалёт, як паведамляецца, ляцеў з Масквы ў Санкт-Пецярбург.
Тэлеграм-канал «ВЧК-ОГПУ» паведаміў таксама, што на борце бізнэс-джэта нібыта быў і заснавальнік ПВК «Вагнер», ветэран ГРУ Дзмітрый «Вагнер» Уткін, але гэтая інфармацыя пакуль не пацверджана.
Тым часам другі самалёт, які належыць Яўгену Прыгожыну, развярнуўся над Падмаскоўем і накіроўваецца да аэрапорта, паведаміла Readovka, тэлеграм-канал, звязаны з ПВК «Вагнер».
Хто ў другім самалёце — не паведамляецца. Няма і пацвярджэнняў, што спіс пасажыраў у «Эмбраеры», які разбіўся, супадаў з рэальнай іх наяўнасцю, пішуць расійскія каналы.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА39
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары