У Вільні адкрываецца Тыдзень беларускай культуры. Будуць і літаратурныя сустрэчы, мастацкія майстэрні, квэст па беларускіх мясцінах і нават кірмаш
З 4 да 10 верасня ў Цэнтры беларускай культуры й супольнасці ў Вільні (Віленская, 20) адбудзецца цэлы Тыдзень беларускай культуры.
Кожны дзень будзе прысвечаны пэўнаму аспекту беларускай культуры.
4 верасня, панядзелак: Дзень шляхты (будзе праведзеная майстэрня замкаў*, падчас якой дзеці з бацькамі змогуць сабраць з паперы мадэлі сапраўдных беларускіх замкаў; прэзентацыя з дэгустацыяй «Беларуская культура кавы», шляхетная і інтэлігентная).
5 верасня, аўторак: Дзень славутых беларусаў (сумесна з Ulegend — квэст па Вільні, падчас якога трэба шукаць мясціны, звязаныя са славутымі беларусамі).
6 верасня, серада: Дзень выяўленчага мастацтва (майстар-клас «Відзікі»*, акварэльны майстар-клас «Зорка Венера»*).
7 верасня, чацвер: Дзень літаратуры і паэзіі (паэтычная сустрэча з Настай Кудасавай і Віталём Рыжковым; пасля сустрэчы для кожнага і кожнай будзе адкрыты вольны мікрафон — можна прачытаць свае вершы, фрагменты празаічных твораў ці паразважаць наконт таго, што турбуе).
8 верасня, пятніца: Дзень музыкі (беларускае караоке).
9 верасня, субота: Кірмаш (беларусы запрашаюць сяброў! На падворку Цэнтра будзе праведзены кніжны кірмаш і кірмаш вырабаў народнай творчасці, удзел возьмуць не толькі беларусы, але і майстры самых розных нацыянальнасцяў, будуць арганізаваныя гульні для дзяцей, аквагрым і іншыя цікавосткі, вулічная ежа, а таксама пройдуць выступы Аляксандра Памідорава і іншых спевакоў).
10 верасня, нядзеля: Багач (традыцыйнае святкаванне беларускага «Багача», плануецца правядзенне адпаведнага абраду, супольны абед са стравамі нацыянальнай кухні, беларускія народныя танцы, гульні для дзяцей, падвядзенне вынікаў вясёла-сур’ёзнай латарэі «Багач»).
Але гэта не ўсё!
Цягам усяго тыдня працуюць сялянская фотазона, імерсіўная выстава «Лес беларускай міфалогіі і фальклору», замкавая і літаратурныя прасторы, адукацыйныя цікавосткі для дзяцей і дарослых, анлайн і афлайн актыўнасці і гэтай далей, далей, далей.
Сачыце за нашымі афішамі і абвесткамі!
* Колькасць месцаў абмежаваная. Патрабуецца папярэдняя рэгістрацыя.
Рэгістрацыя на Майстэрню замкаў.
Рэгістрацыя на майстар-клас «Відзікі».
Рэгістрацыя на майстар-клас «Зорка Венера».
Сардэчна запрашаем кожнага і кожную! Адкрываем новы сезон разам!
-
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну
-
У Мінску адкрыўся філіял Нацыянальнага мастацкага музея
-
Раман аўтара бестселераў Джона Грына выйдзе па-беларуску ў дзень сусветнай прэм’еры
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары