Польшча з 17 верасня забароніць уезд зарэгістраваных у Расіі легкавых аўтамабіляў
Сімвалічна, што гэта зроблена ў дзень вызваленчага паходу Чырвонай арміі 17 верасня 1939 года.
Польшча 17 верасня забароніць уезд зарэгістраваных у Расіі легкавых аўтамабіляў. Пра гэта, як піша польскае дзяржаўнае агенцтва PAP, паведаміў кіраўнік МУС краіны Мар'юш Каміньскі падчас прэс-канферэнцыі.
Пастанова прынятая ў сувязі з публікацыяй 8 верасня ўказанняў Еўракамісіі.
Па словах Каміньскага, забарона будзе дзейнічаць як на камерцыйныя аўтамабілі, так і на асабістыя, незалежна ад грамадзянства ўладальніка машыны.
«Гэта яшчэ адзін элемент санкцый, уведзеных супраць Расіі і яе грамадзян у сувязі з жорсткай вайной ва Украіне. У сувязі з тым, што расійская дзяржава ўяўляе сабой пагрозу міжнароднай бяспецы», — цытуе Каміньскага PAP.
8 верасня Еўракамісія апублікавала абнаўленне да адказаў на пытанні, якія часта задаюць, у якім тлумачылася, што ў адпаведнасці з уведзенымі ў кастрычніку санкцыямі расіяне не могуць увозіць у ЕС аўтамабілі на расійскіх нумарах, ноўтбукі, смартфоны, касметыку і шэраг іншых тавараў.
Раней аб забароне на ўезд зарэгістраваных у Расіі аўто абвясцілі Латвія, Літва, Эстонія і Фінляндыя, падсумоўвае «Дождь».
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны4
Каментары