У Польшчы затрымалі двух беларусаў, якія ўчынілі серыю ўзброеных рабаванняў
«Падчас аднаго з налётаў пагражалі ахоўніку пісталетам».
Паліцыя Уроцлава нядаўна паведаміла аб арышце дваіх грамадзян Беларусі, якія ўчынялі ўзброеныя налёты на аб'екты прыватнай і грамадскай уласнасці з мэтай рабавання.
Узрост абвінавачваных мужчын — 24 і 28 гадоў. Іх затрымалі на здымнай кватэры ва Уроцлаве.
Пры вобшуку ў кватэры былі знойдзеныя электрашокер, боепрыпасы да пісталета і сам пісталет, якімі беларусы карысталіся падчас рабаванняў.
«Абвінавачваныя ўрываліся на аўтамыйкі самаабслугоўвання, у прадуктовыя крамы і месцы грамадскага харчавання, каб узломваць касы з наяўнымі. Падчас аднаго з такіх набегаў рабаўнікі пагражалі мясцоваму ахоўніку пісталетам і прымушалі яго да падпарадкавання.
Усяго беларусам інкрымінуецца пяць даказаных фактаў крадзяжоў з узломам з выкарыстаннем зброі. Яны былі ўзятыя пад варту», — афіцыйна паведаміла ўроцлаўская паліцыя.
Як адзначаецца, выбар некаторых месцаў для злачынстваў быў невыпадковым, бо адзін з абвінавачваных працаваў на аўтамыйцы, якая пасля была абрабаваная ім і яго саўдзельнікам.
За ўчыненыя серыйныя злачынствы дваім беларусам пагражае да 10 гадоў пазбаўлення волі.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?21
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары