У Мінску затрымалі 21-гадовага слесара, які зрабіў фота ў міліцэйскай форме
Міліцэйскае відэа апублікавалі і ў тыктоку затрыманага.
Сілавікі затрымалі 21-гадовага слесара, які надзеў для роліка ў тыктоку міліцэйскую форму (артыкул 24.28 КаАП), піша «Медыязона».
Затрыманы выклаў у акаўнт дзве фатаграфіі. На першай ён сядзіць у кашулі, на другой стаіць у міліцэйскай форме. «Сёння кент», «Заўтра мент» — пазначана ў подпісах да фота.
«Пры гэтым публікацыя суправаджалася песняй, якая змяшчае нецэнзурныя выразы», — распавёў намеснік начальніка ўпраўлення па Мінску ГУУБ МУС Міхаіл Шчэрба. Якая менавіта песня была ў тыктоку — невядома.
Міліцэйскае відэа апублікавалі і ў тыктоку затрыманага. У сацыяльных сетках акаўнты хлопца падпісаныя Кірылам Мураўёвым.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве34
Каментары