Фінскія ўлады плацяць землеўладальнікам за дазвол пабудаваць умацаванні каля мяжы з Расіяй
У Фінляндыі дзясяткі ўладальнікаў участкаў на мяжы з Расіяй заключылі таемныя пагадненні, якія дазволяць фінскім вайскоўцам праводзіць фартыфікацыйныя работы на іх землях, піша Бі-бі-сі са спасылкай на Helsingin Sanomat.
Калі землеўладальнік дае дазвол на будаўніцтва ўмацаванняў на сваім участку, яму належыць аднаразовая выплата 750 еўра. Паведаміць пра пачатак работ улады павінны ўсяго за суткі.
Будаўніцтва на прыватнай зямлі пачнецца толькі тады, калі ўзнікне «патэнцыйны крызіс», патлумачыў кіраўнік аддзела забеспячэння гатоўнасці Сіл абароны Фінляндыі Саўлі Хонгіста.
Згодна з дакументам, які падпісваюць уладальнікі ўчасткаў, «пастанову аб пачатку падрыхтоўкі абароны прымае камандуючы ўзброенымі сіламі Фінляндыі».
Па даных выдання, такія пагадненні пачалі заключаць яшчэ шэсць гадоў таму, але толькі ў маі 2022 года пра гэта стала вядома грамадскасці.
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары