Украінка абурылася беларусам, які спяваў «Воіны свету» ў Варшаве
Прэтэнзія была да мовы, на якой выконвалася песня.
У Варшаве вулічны музыка з Беларусі спяваў песню «Воіны свету» Сяргея Міхалка, якая стала адным з гімнаў Майдана ў 2014-м. Да яго падышла ўкраінка, графічная дызайнерка Дана Ішчук, стала здымаць на тэлефон і абурацца, што хлопец спявае па-руску. Яна закрыла яму мікрафон і стала тлумачыць, што гэта мова тэрарыста, таму хай спявае па-ангельску, па-польску, але толькі не па-руску.
У працягу спрэчкі дзяўчына прапанавала яму спяваць па-беларуску, але музыка адказаў, што яе не ведае, бо ў школе не вучылі як след.
«Стаць і крычаць пасярод Варшавы — гэта адзінае, што хочацца», — напісала дзяўчына ў сторыс у інстаграме, дзе выклала відэа размовы з музыкам.
Гісторыю падхапілі ў твітары.
Знайома у центрі Варшави почула російськомовну пісню і зупинила цього музиканта з білорусі. Мене тригернуло те, що він не знає білоруської, бо у школі не вчили. Відповідно пісень, традицій білоруських, все те, що ідентифікує його як білоруса, він не знає. Таке і на нас чекало. pic.twitter.com/XwUvepomRt
Адны лічаць, што дзяўчына мела рацыю, другія — што заўвага была абсурднай, з улікам таго, якая песня гучала, трэція — што хлопец мог бы і вывучыць беларускую мову.
«Давайце яшчэ раз. Украінка, у Польшчы, пратэстуе супраць вулічнага музыкі з Беларусі, які спявае на расейскай, майданаўскую песню. Вінегрэт».
«Як мне часам хочацца падысці да кожнага расейскамоўнага ўкраінца ў Варшаве і распавесці яму пра мову агрэсара. Не беларусы прывезлі шалёную колькасць расейскай мовы ў Польшчу, а менавіта ўкраінцы. Толькі ў Беларусі за мову садзяць і збіваюць, а ўкраінцам проста пофіг».
«Яны ходзяць на курсы польскай, а сваю мову не вучаць. Дзяўчына малайчына! Нельга дапускаць, каб у Еўропе пашыралася мова тэрору».
«Ёсць пытанне да ўсіх удзельнікаў відэа».
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары