У Слуцку пачаўся суд над бацькамі, якіх вінавацяць у забойстве трохгадовага сына
Трохгадовы Сямён памёр ад чэрапна-мазгавой траўмы 14 студзеня. Сёння ў Слуцку пачаўся разгляд справы па яго забойстве ўласнымі бацькамі, піша «Мінская праўда».
Абвінавачаныя — Анастасія Таратута 1985 года нараджэння і Аляксандр Таратута 1975 года нараджэння. Іх затрымалі сёлета 15 студзеня, пасля трагедыі, якая здарылася ў ноч на Стары Новы год.
Як пісалі медыя, хлопчыка штотыдзень сістэматычна рукамі, нагамі, «неўстаноўленым тупым прадметам» збівалі бацькі ў стане алкагольнага ап'янення на глебе асабістых непрыязных адносін да сына.
Бацькі наўмысна прычынялі малому працяглы боль, не кармілі, ён галадаў і быў даведзены да знясілення.
Хлопчык спаў на кухні, проста на лінолеуме.
Што стала прычынай такой нянавісці да дзіцяці, пакуль невядома.
Пра маці, Насту Таратута, вядома, што яна ўраджэнка Карэліі, мае расійскае грамадзянства. Да дэкрэтнага водпуску працавала ў Доме побыту Слуцкай фабрыкі пашыву адзення.
Бацьку пагражае найвышэйшая мера пакарання ці пажыццёвае зняволенне, а маці — да 25 гадоў турмы.
У пары, акрамя загінулага хлопчыка, яшчэ чацвёра дзяцей, з якіх двое — ад першых шлюбаў абвінавачанай. Астатнія трое дзяцей забраны з сям'і.
Гэту гісторыю чытайце тут:
Цяпер чытаюць
Хто той хлопец, які чакаў дзяўчыну пад дажджом у Мінску? Вы дакладна бачылі тое рамантычнае відэа11
Каментары