Сяргея затрымалі яшчэ тры гады таму падчас маштабных пратэстаў.
Выйшлі на волю палітвязні Сяргей Крыўчэня і Ігар Петран.
Сяргея Крыўчэню затрымалі 18 жніўня 2020 года. Палітвязень мае двух непаўналетніх дзяцей.
Яго абвінавацілі ва ўдзеле ў акцыі пратэсту ў Брэсце 10 жніўня 2020 года паводле ч. 2 арт. 293 Крымінальнага кодэксу (масавыя беспарадкі). 10 сакавіка 2021 года ў судзе Маскоўскага раёна Брэста Сяргею прызначылі 3 гады і 6 месяцаў калоніі ўзмоцненага рэжыму.
Тэрмін ён адбываў у бабруйскай калоніі № 2. Па інфармацыі «Брэсцкай вясны», на пачатку кастрычніка Сяргей выйшаў на волю. У зняволенні ён адбыў больш за 3 гады і адзін месяц.
Таксама на волю выйшаў жыхар Баранавіч Ігар Петран, асуджаны да 2 гадоў калоніі за каментар у «Аднакласніках». Тэрмін ён адбываў у Івацэвіцкай калоніі № 5.
Каментары