Работнік БТ: Калі тэрміновы сюжэт, а эксперта не знайшлі, у кадр сядае мантажор, і ты падпісваеш яго «палітолаг»
Былы тэлевядучы і палітзняволены Дзмітрый Лукша ў другой частцы ТОКу расказаў пра практыку стварэння пастановачных ролікаў на беларускім тэлебачанні.
Згадваючы сваю працу на беларускім тэлебачанні, Дзмітрый Лукша расказаў, як у кадр траплялі людзі, якіх выдавалі за іншых.
«Так здаралася ў выпадку, калі [трэба зняць] вельмі тэрміновы сюжэт. Ты проста не паспяваеш знайсці нейкага эксперта. І банальна мог знайсціся нейкі інжынер мантажу. Яго паставілі, падпісалі «Андрэй Андрэеў, палітолаг». І ты яму гаворыш, што трэба сказаць».
«Гэта было праз спешку. Хоць гэта таксама няправільна», — заўважае былы бэтэшнік і сцвярджае, што сам ён такога не рабіў.
«Я іду па мантажцы і бачу, што запісваюць якога-небудзь нашага рэжысёра. Што здарылася? Потым гляджу яго па тэлебачанні, і ён выступае як палітолаг. Былі моманты, калі ты не змог знайсці нейкага чалавека, садзіш свайго знаёмага спінай і з ім запісваеш інтэрв'ю з пазіцыі, што гэта ўдзельнік падзей. Гэта здаралася», — працягвае Лукша.
Ён кажа, што памятае моманты, калі кіраўніцтва спрабавала гэта спыніць: «Ну ўсё, хлопцы, заканчвайце. Нешта шмат у нас гаворачых спін у кадры». Але гэта было распаўсюджана, на жаль».
***
Дзмітрый Лукша нарадзіўся ў 1989 годзе. У канцы 2000-х і першай палове 2010-х працаваў на БТ, быў вядучым «Зоны Х».
У 2020 здымаў пратэсты для казахстанскага тэлеканала «Хабар». У 2022 быў арыштаваны і прысуджаны да 4 гадоў зняволення за ўдзел у дэманстрацыях і «дыскрэдытацыю Беларусі». Разам з ім была асуджаная яго жонка Паліна Палавінка. Адбываў пакаранне ў калоніі ў Шклове.
Вызваліўся 3 ліпеня 2024 года па памілаванні адначасова з жонкай, пасля чаго сям’я з’ехала ў Польшчу.
Глядзіце цалкам:
«Тур — якасная прапаганда. А Азаронак… Мой сусед менш паскудных слоў кажа»
«Я памятаю свой шок, а мне кажуць: «Зламалі». Лукша расказаў, як запісвалі відэа з Кастусёвым пасля выбараў-2010
Лукша расказаў пра свой удзел у прапагандысцкім фільме «Малады фронт. Кіднэпінг»
«А вы прычоску паправіць зайшлі?» Лукша расказаў, як смяротна пакрыўдзіў Маркава
Цяпер чытаюць
Што вядома пра затрыманых радыёаматараў, якім пагражае аж да расстрэлу12
Каментары