Кампазіцыя называецца «Залатое кальцо беларускай навукі».
«Адкрыццё гэтай кампазіцыі прымеркавана да юбілейнай даты — 95-годдзя Нацыянальнай акадэміі навук Беларусі. Кампазіцыя стваралася няпроста — у творчым пошуку, дыскусіях, супярэчнасцях. Але ўсё атрымалася. Кампазіцыя атрымала станоўчую ацэнку. Хачу падзякаваць усім, хто мае дачыненне да стварэння гэтага сімвала беларускай навукі», — сказаў старшыня Прэзідыума Нацыянальнай акадэміі навук Беларусі Уладзімір Гусакоў.
«Залатое кальцо беларускай навукі» складаецца з ратонды і скульптур выбітных навукоўцаў Беларусі, заснавальнікаў навуковай думкі: Кірылы Тураўскага, Францыска Скарыны, Сімяона Полацкага, Казіміра Семяновіча, Яўстафія Тышкевіча, Яўхіма Карскага і Усевалада Ігнатоўскага.
Аўтары праекта — архітэктар Армэн Сардараў, а таксама скульптары Алена Хараберуш і Леанард Пакульніцкі.
Падчас цырымоніі ў нішу архітэктурна-мастацкай кампазіцыі была закладзена капсула з пасланнем нашчадкам, прадаўжальнікам навуковых традыцый Беларусі.
На капсуле выгравіраваны надпіс: «Пасланне нашчадкам. Прытрымліваючыся прынцыпу пераемнасці і захоўваючы адданасць найлепшым традыцыям навуковых школ, просім накіраваць пасланне вашым нашчадкам, тым самым ствараючы бесперапынную «вось часу» акадэмічнай навукі. Адчыніць праз 50 год».
Цяпер чытаюць
Беларуска знайшла італьянскую сям’ю, якая прыняла яе пасля Чарнобыля. Яна думала, што італьянцы яе кінулі1
Каментары