Грамадства11

«Для Кітая карысць больш палітычная, чым тэхнічная». Беларусь дапаможа Кітаю пабудаваць базу на Месяцы

Нацыянальная акадэмія навук Беларусі і Кітайскае нацыянальнае касмічнае ўпраўленне дамовіліся аб сумесным будаўніцтве новай міжнароднай касмічнай станцыі на Месяцы. У ЗША пракаментавалі, што стаіць за гэтым крокам.

Старшыня Нацыянальнай акадэміі навук Беларусі Уладзімір Гусакоў (па цэнтры). Фота: Нацыянальная акадэмія навук Беларусі

Беларусь афіцыйна далучылася да кітайскай праграмы будаўніцтва новай касмічнай навуковай станцыі на Месяцы. Аб гэтым 23 кастрычніка паведаміла БелТА са спасылкай на прэс-службу Нацыянальнай акадэміі навук Беларусі (НАН).

Адпаведнае пагадненне падпісалі старшыня НАН Уладзімір Гусакоў і кіраўнік Кітайскага нацыянальнага касмічнага ўпраўлення (CNSA) Чжан Кэцзянь.

«Напрамкамі супрацоўніцтва стануць фундаментальныя і прыкладныя даследаванні ў галіне касмічнай тэхнікі і тэхналогій, новых матэрыялаў і электронна-кампанентнай базы, падрыхтоўка і павышэнне кваліфікацыі навуковых кадраў і спецыялістаў», — паведаміла БелТА са спасылкай на прэс-службу НАН.

Сам праект новай месяцовай станцыі быў раней распрацаваны і прадстаўлены Кітаем. Праект прадугледжвае правядзенне некалькіх месяцовых місій для будаўніцтва новай базы і наступнага яе ўдасканалення для больш паглыбленага вывучэння Месяца. Скончыць будаўніцтва станцыі плануецца да 2030 года.

Для рэалізацыі сваіх планаў Кітай паспеў заручыцца афіцыйнай падтрымкай не толькі Беларусі, але таксама і Расіі, Азербайджана, Венесуэлы, Пакістана, Паўднёваафрыканскай Рэспублікі і некалькіх міжнародных арганізацый, сярод якіх ёсць кампаніі са Швейцарыі і амерыканскіх Гаваяў.

Адзін з канцэптаў будучай Міжнароднай навуковай месяцовай станцыі (МНМС), якую хоча пабудаваць Кітай разам з Беларуссю і іншымі краінамі. Фота: CNSA

Пры гэтым, як адзначылі спецыялісты ў касмічнай галіне з ЗША, выбар некаторых саюзнікаў з боку Кітая для пабудовы станцыі нясе больш палітычную і наўмысна публічную значнасць, чым тэхнічную.

«Падпісанне дамовы з Беларуссю адбылася ўсяго праз некалькі дзён пасля такіх жа дамоўленасцяў з Пакістанам. Сам Пакістан, напрыклад, не можа самастойна запускаць аб'екты ў космас і мае толькі тры актыўныя спадарожнікі на арбіце. Краіна цалкам у гэтым залежыць ад Кітая.

Той жа выпадак і з Беларуссю. Яна таксама не валодае ўласнымі тэхнічнымі магчымасцямі для запускаў у космас і таксама мае толькі тры спадарожнікі на арбіце. Адзін з іх, спадарожнік сувязі Belintersat 1 на базе тэхналогіі DFH-4, быў цалкам пабудаваны і адпраўлены на арбіту Кітаем», — распавяла агенцтву SpaceNews Вікторыя Самсан, дырэктар вашынгтонскага офіса буйной арганізацыі Secure World Foundation, якая адказвае за больш мірнае і бяспечнае выкарыстанне касмічнай прасторы.

Самсан дадала, што Кітай са сваімі планамі імкнецца абагнаць ЗША ў касмічнай і месяцовай гонцы, стварыўшы канкурэнцыю амерыканскаму праекту «Артэміда», які таксама ставіць сабе за мэту засваенне і вывучэнне Месяца.

Каментары1

  • Mafkees
    24.10.2023
    Лукашэнка передаст китайским товарисчам свой бесценный опыт по выращиванию кавунов по дроздовски,-он им пригодится на луне. И чтоб не выглядеть конченым лохом как Илон Маск,вместо автомобиля Сашка, совместно с китайцами,запустит комбайн на орбиту
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Усе навіны →
Усе навіны

Жанчына займалася сэксам з будысцкімі манахамі, а пасля шантажавала іх12

Беларускі школьны настаўнік расказаў, колькі зарабляе на ферме ў Нідэрландах

МЗС Літвы накіравала Беларусі ноту пратэсту з-за расійскага дрона

«Гэта хлеб ці клей?»: жыхарка Баранавічаў абурылася якасцю прадукцыі хлебазавода9

Трыбуна стадыёна будучага суперніка мінскага «Дынама» ў еўракубках названа ў гонар футбаліста, які памёр падчас матча

Адказнасць за забойства палкоўніка СБУ Вароніча ў Кіеве ўзяла на сябе неанацысцкая групоўка «База»3

«Я не бачыў нічога такога»: як лялькі Labubu прынеслі шалёны прыбытак3

На Брэстчыне замест аднаўлення касцёла ў маёнтку Ажэшкаў шукаюць тых, хто дапаможа пазбавіць яго ахоўнага статусу10

Мінскае «Дынама» вылецела з кваліфікацыі Лігі чэмпіёнаў у першым раўндзе2

больш чытаных навін
больш лайканых навін

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Мяркуючы па пасажыраабароце транспарту, насельніцтва Беларусі з 2019-га скарацілася, можа, нават на 1,2 мільёна чалавек

Галоўнае
Усе навіны →

Заўвага:

 

 

 

 

Закрыць Паведаміць