Протаіерэй Лемяшонак пра расстрэл для бацькі са Слуцка: Раней я быў за смяротнае пакаранне. Цяпер супраць
Падчас чарговага эфіру «Гутарак з бацюшкам», якія кожны аўторак выходзяць на YouTube-канале Свята-Елісавецінскага манастыра, у праўладнага святара Андрэя Лемяшонка спыталі пра стаўленне царквы да смяротнага пакарання (у кантэксце таго, што беларускі суд пастанавіў расстраляць мужчыну са Слуцка, які разам з жонкай забіў свайго трохгадовага сына).
У Слуцку на мінулым тыдні вынеслі прысуд Аляксандру і Анастасіі Таратутам, якія закатавалі да смерці свайго 3-гадовага сына Сямёна. Мужчыну далі выключную меру пакарання, а жанчыне — 25 гадоў калоніі строгага рэжыму.
«Ці па-хрысціянску гэта забіваць у адказ? Што думае царква пра смяротнае пакаранне?», — было пытанне да бацюшкі з нагоды прысуду.
«Ведаеце, царква па-рознаму думае. Канешне, ёсць запаведзь «не забі»… — задумаўся Лемяшонак. Цікавы момант: у большасці выпадкаў, калі гучыць нейкае неадназначнае пытанне, Андрэй Лемяшонак пачынае згадваць, а як у Расіі. — У Расіі, здаецца, няма смяротнага пакарання…
Гэта пытанне дзяржаўнае. Раней я быў за смяротнае пакаранне. Цяпер я супраць. Таму што пажыццёвае зняволенне дае чалавеку магчымасць нешта памяняць, убачыць свой грэх… Разумееце? І гэта пакуты.
А так чалавека пазбавілі жыцця — і ён у такім стане сыдзе ў вечнасць. Нашы сёстры некаторыя раней ліставаліся з тымі людзьмі, якія былі асуджаныя на вялікія тэрміны пазбаўлення волі (напрыклад, 25 гадоў). Вось уявіце, як гэта 25 гадоў адсядзець. З тымі, у каго пажыццёвае зняволенне, таксама ліставаліся. І людзі пераасэнсоўвалі свой шалёны стан, у якім яны здзяйснялі злачынства. Мне сёстры давалі чытаць тыя лісты. У гэтых лістах шмат у каго было раскаянне і ўсведамленне сваёй віны перад Богам і блізкімі».
У YouTube-канала «Свято-Eлисаветинский монастырь» 466 тысяч падпісчыкаў. Звычайна «Гутаркі з бацюшкам» глядзіць ад 11 да 35 тысяч чалавек.
«Як можа дзіця, у якога бацькі ходзяць у храм, быць піянерам?!» Протаіерэй Лемяшонак выказаўся пра саюзы моладзі і айцішнікаў
«Чалавек ваяваў паўтара года, і вось такое прамаўляе». Мінская манашка расказала, як натхняла вагнераўцаў на вайну
Протаіерэй Лемяшонак раздаў парады, як выратаваць мужа-апазіцыянера: Ні ў якую Польшчу ехаць не трэба
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў33
Каментары