Масава прадаваць елкі Мінлясгас пачне ў выходныя. Колькі будуць каштаваць навагоднія дрэвы
Першы аб'ект па продажы навагодніх елак ад Мінлясгаса запрацаваў у Мінску 14 снежня на вуліцы Баграціёна. Астатнія пункты адкрыюцца ў Мінску ўжо 21 і 22 снежня, даведаліся ў Мінск-Навінах.
21 і 22 снежня ў Мінску масава пачнуць адкрывацца пункты, дзе можна будзе купіць навагодняе дрэва ад Мінлясгаса. Цэны абяцаюць ніжэй, чым у прыватнікаў.
Напрыклад, у Мінскім лясгасе елка да метра ў вышыню каштуе прыкладна 20 рублёў, ад метра да двух — каля 30 рублёў, ад двух да трох — крыху больш за 35 рублёў. Даражэй абыдуцца дрэвы ў кадках — ад 38 рублёў.
Як удакладніла Анастасія Мацкевіч, сакратар Міністэрства лясной гаспадаркі, цэны ў рэгіёнах могуць адрознівацца. Вялікім попытам у беларусаў карыстаюцца звычайныя елкі. З кожным годам усё больш пакупнікоў аддаюць перавагу іглічным дрэвам у кадках.
Каментары