Грамадства11

Позва па SMS — юрысты тлумачаць, што хочуць змяніць у законе. Ёсць важныя моманты

Для ваеннаабавязаных рыхтуюць шэраг важных змен у закон, сярод якіх апавяшчэнне па SMS. «Наша Ніва» спытала ў юрыстаў, каго гэтыя змены закрануць, калі будуць прыняты. Па іх словах, гэта тычыцца не ўсіх выпадкаў. Тлумачым.

Ілюстрацыйны здымак. Фота: «Наша Ніва»

Не прачытаў SMS — стаў ухілістам?

У законапраекце «Аб змяненні законаў па пытаннях забеспячэння нацыянальнай бяспекі», апублікаваным на Нацыянальным прававым партале, сярод шэрагу прапанаваных змен ёсць наступная: «Грамадзяне могуць быць апавешчаныя аб неабходнасці яўкі ў ваенны камісарыят (адасобленае падраздзяленне), упраўленне Камітэта дзяржаўнай бяспекі па вобласці з дапамогай СМС-паведамлення».

Многія апасаюцца, што калі змены будуць прынятыя, то любы прызыўнік зможа лёгка стаць ухілістам, бо замест уручэння позвы ваенкамату дастаткова будзе адправіць SMS-ку.

Не заўважыць паведамленне вельмі проста. Ды і нельга выключаць, што на момант адпраўкі SMS атрымальнік не будзе знаходзіцца за мяжой і паведамленне проста не дойдзе своечасова.

Юрысты сэрвісу бясплатнай і ананімнай юрыдычнай дапамогі LegalHub тлумачаць, што, згодна з законапраектам, выкарыстоўваюць SMS для выкліку ваеннаабавязаных плануюць толькі ў наступных выпадках:

1) пры прызыве на ваенную службу па мабілізацыі;

2) пры выкліку ў ваенкамат для мэтаў воінскага ўліку.

Выкарыстанне СМС-паведамленняў для выкліку прызыўнікоў на тэрміновую ваенную службу, службу ў рэзерве, а афіцэраў запасу — на ваенную службу афіцэраў па прызыве, праектам закона не прадугледжана. 

А што, калі позву дашлюць на e-mail?

Звычайны e-mail для рассылкі позваў будучым салдатам тэрміновай службы не прадугледжаны законапраектам.

«У дачыненні да выкліку прызыўнікоў на мерапрыемствы па прызыве на тэрміновую ваенную службу, службу ў рэзерве дададзена магчымасць выкарыстання нацыянальнай паштовай электроннай сістэмы для накіравання позваў.

Такі спосаб дастаўкі позваў прадугледжаны толькі для выпадку, калі прызыўнік па якой-небудзь прычыне не атрымаў позву асабіста пад распіску», — тлумачаць юрысты.

Пры гэтым даставіць заказны ліст у электроннай форме можна толькі ў тым выпадку, калі ў прызыўніка ёсць электронная паштовая скрыня ў нацыянальнай паштовай электроннай сістэме

(у адпаведнасці з п. 19 Палажэння аб парадку функцыянавання нацыянальнай паштовай электроннай сістэмы).

Нацыянальная электронная паштовая сістэма — сістэма, якая дазваляе аблічбаваць перасылку простых і заказных лістоў, у тым ліку з паведамленнем аб атрыманні, і пацвердзіць факт іх ўручэння (дастаўкі).

У астатніх выпадках такі ліст дастаўляюць гэтак жа, як і звычайны — у пісьмовай форме (ч.3 п. 23 Палажэння аб парадку функцыянавання нацыянальнай паштовай электроннай сістэмы).

Юрысты адзначаюць, што належнай абвесткай прызыўніка аб неабходнасці яўкі на мерапрыемствы па прызыве на ваенную службу, службу ў рэзерве з'яўляецца менавіта факт накіравання заказнога ліста з паведамленнем аб уручэнні, а не факт яго атрымання прызыўніком.

«Дадзенае палажэнне не з'яўляецца новым — яно існуе ў дзеючай рэдакцыі закона «Аб вайсковым абавязку і вайсковай службе».

Ілюстрацыйны здымак. Фота: «Наша Ніва»

Юрысты падкрэсліваюць яшчэ раз: змены, якія хочуць прыняць, тычацца мерапрыемстваў па воінскім уліку і па прызыве на ваенную службу па мабілізацыі, а не на тэрміновую ваенную службу або службу ў рэзерве.

Праўкі, прапанаваныя іншым законапраектам («Аб змяненні кодэксаў»), уводзяць тэрмін «юрыдычна значнае паведамленне». Яны будуць мець значэнне толькі для наступу грамадзянска-прававых наступстваў.

Адносіны, звязаныя з выкананнем вайсковага абавязку, не з'яўляюцца грамадзянска-прававымі — таму гэтыя нормы на іх не распаўсюджваюцца, тлумачаць юрысты.

Нормы аб юрыдычна значных паведамленнях не могуць быць ужыты да выкліку прызыўнікоў і ваеннаабавязаных на мерапрыемствы па прызыву або па воінскім уліку.

Гэта значыць, што позвы і СМС аб выкліку прызыўнікоў і ваеннаабавязаных у ваенкамат не з’яўляюцца юрыдычна значнымі паведамленнямі — таму не лічацца дастаўленымі нават у тым выпадку, калі адрасат не атрымаў ці не азнаёміўся з імі па абставінах, якія залежаць ад яго.

Чытайце таксама: 

Міністр Хрэнін паляцеў у Кітай

Лукашэнка сказаў, што ён заўзяты прыхільнік ЕС

Каментары1

  • А..у...ели
    28.10.2023
    Вызывают подыхать, в окопе, по смске ???

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай17

Полк Каліноўскага афіцыйна пацвердзіў замену свайго камандзіра і заявіў пра рэфармаванне20

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →