Перамір'е паміж Ізраілем і ХАМАС скончылася. ЦАХАЛ аднавіў баявыя дзеянні
Перамір'е паміж Ізраілем і ХАМАС, якое дзейнічала з 24 лістапада, дзякуючы якому ўдалося абмяняць звыш за 200 закладнікаў і зняволеных, скончылася ў 8:00 па мінскім часе. За гадзіну да гэтага ЦАХАЛ (Армія абароны Ізраіля) паведаміла аб запуску ракеты з боку сектара Газа.
Перамір'е паміж Ізраілем і ХАМАС, якое дзейнічала з 24 лістапада і двойчы падаўжалася — 27 і 29 лістапада адпаведна, скончылася ў 8:00 (па Мінску), піша РБК.
Пра тое, што перамір'е можа быць падоўжанае яшчэ на адны суткі, раней пісала The Wall Street Journal са спасылкай на егіпецкіх чыноўнікаў. Блізкая да ХАМАС крыніца AFP таксама заяўляла пра гатоўнасць палесцінскай групоўкі падоўжыць перамір'е. Паводле яго слоў, пасярэднікі прыкладаюць значныя намаганні, каб дамагчыся яшчэ аднаго дня часовага спынення агню.
Тым не менш за гадзіну да перамір'я Армія абароны Ізраіля (ЦАХАЛ) паведаміла, што з тэрыторыі сектара Газа ў бок ізраільскіх абшчын была выпушчаная ракета, якую ўдалося збіць. У Сдэроце і прылеглых раёнах прагучалі сірэны ракетнай трывогі.
ЦАХАЛ заявіў, што аднаўляе аперацыю ў сектары Газа.
Цяпер чытаюць
Лукашэнка параіў узбекам шукаць вялікія грошы ў Расіі10
Лукашэнка параіў узбекам шукаць вялікія грошы ў Расіі
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары