Праект Open Muzej (OM) запускае аднайменны падкаст пра сучаснае беларускае мастацтва і запрашае слухачоў і слухачак у падарожжа-даследаванне з мэтай стварэння грамадскага музея сучаснага беларускага мастацтва.
У першым эпізодзе працоўная група Open Muzej раскрывае ключавыя аспекты сваёй ініцыятывы. Сузаснавальніцы Ambasada Kultury Валянціна Кісялёва і Ганна Чыстасердава, мастацтвазнаўца і куратарка Ірына Кон, сузаснавальнік i галоўны рэдактар партала Kalektar, мастак Сяргей Шабохін падрабязна распавядаюць пра канцэпцыю адкрытага грамадскага музея, закранаючы тэмы супольнасці і саўдзелу, захавання і доступу да культурнай спадчыны ва ўмовах эміграцыі.
У наступных выпусках падкаста яго вядучы, культурны актывіст Багдан Хмяльніцкі, разам з гасцямі абмяркуе ролю музеяў у кантэксце актуальных тэм, такіх як міграцыя і дом, супольнасць і салідарнасць, вайна і дэкаланізацыя.
Ад гісторыі да сучаснасці, ад лакальнага да глабальнага — каманда праекта абяцае асвятляць падзеі і тэндэнцыі, якія фарміруюць унікальны кантэкст беларускай культуры тут і цяпер.
Першы выпуск даступны на платформах Spotify, Yandex Music, Apple Podcasts, Google Podcasts и Castbox. Новыя эпізоды падкаста будуць выходзіць кожныя два тыдні.
Тэзісы і карысныя спасылкі на дадатковыя матэрыялы да першага выпуску будуць апублікаваныя ў Instagram праекта.
Мовы падкаста: беларуская і руская
У Бабруйску зносяць будынак са знакамітай мазаікай. Петыцыя не дапамагла
«Апавядаць пра Беларусь — частка нашага сэрвісу». Сёстры-беларускі жывуць у Бразіліі і робяць тату з нацыянальным арнаментам
На расійскім аўкцыёне выставілі карціну пэндзля Івана Хруцкага
Беларускі саюз мастакоў ліквідаваў суполку «Пагоня»
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў4
Каментары