УСУ згортваюць некаторыя аперацыі з-за недахопу снарадаў і скарачэння заходняй дапамогі
Камандуючы аператыўна-стратэгічнай групоўкай войскаў «Таўрыя» Аляксандр Тарнаўскі паведаміў агенцтву Reuters, што Узброеныя сілы Украіны сутыкнуліся з недахопам артылерыйскіх снарадаў і згарнулі некаторыя ваенныя аперацыі з-за недахопу замежнай дапамогі, піша «Украінская праўда».
«Ёсць праблема з боепрыпасамі, асабліва постсавецкімі (снарадамі) — гэта 122 мм, 152 мм. І сёння гэтыя праблемы існуюць па ўсёй лініі фронту.
Аб'ёмы, якія мы маем сёння, не дастатковыя для нас сёння, улічваючы нашы патрэбы. Таму мы іх пераразмяркоўваем. Мы перабудоўваем задачы, якія ставілі перад сабой, і робім іх меншымі, таму што нам трэба іх забяспечыць», — адзначыў Тарнаўскі.
Камандуючы ўдакладніў, што ўкраінскія вайскоўцы на паўднёва-ўсходнім фронце перайшлі да абароны на адных участках, але спрабуюць наступаць на іншых. Ён дадаў, што расійскія войскі таксама маюць праблемы з боепрыпасамі, але не раскрыў дэталяў.
«Ён ужо дома». Дачка Рыгора Кастусёва расказала пра першую гутарку з бацькам пасля вызвалення1
Каментары
Сказано что-ли в 15 веке, одним известным рыцарем.