Сёння Лукашэнка возьме ўдзел у навагоднім свяце для дзяцей у Палацы Рэспублікі
Сёння, у панядзелак, Аляксандр Лукашэнка прыме ўдзел у навагоднім дабрачынным свяце для дзяцей у Палацы Рэспублікі, які праходзіць у рамках акцыі «Нашы дзеці».
На галоўную ёлку краіны запрошаны 2 370 дзяцей ва ўзросце 8‑14 гадоў з розных рэгіёнаў Беларусі. У склад дэлегацыі ўключаны дзеці‑сіроты і дзеці, якія засталіся без апекі бацькоў; дзеці, якія выхоўваюцца ў апякунскіх і прыёмных сем’ях; дзеці сем’яў бежанцаў; пераможцы міжнародных, рэспубліканскіх і рэгіянальных алімпіяд, творчых конкурсаў, фестываляў, спартыўных спаборніцтваў.
У праграме свята — яркае казачнае музычна‑сцэнічнае шоу ў выкананні лепшых творчых калектываў краіны, уручэнне падарункаў ад імя кіраўніка дзяржавы.
Дабрачынная акцыя «Нашы дзеці» праводзіцца з 20 снежня 2009 года па 10 студзеня 2010 года.
У пералік удзельнікаў акцыі ўключаны дзяржаўныя органы і арганізацыі, канцэрны, банкі, грамадскія аб’яднанні і іншыя юрыдычныя асобы (усяго 92). Для наведвання ім прапанавана 142 дзіцячыя сацыяльна значныя аб’екты. Усяго на рэспубліканскім узроўні ў акцыю будзе ўключана больш за 12 тыс. хворых дзяцей, дзяцей‑сірот, дзяцей‑інвалідаў, дзяцей, чые бацькі загінулі пры выкананні службовых абавязкаў
Цяпер чытаюць
Зміцер Дашкевіч сказаў, што трэба рабіць беларусам зараз, каб краіна стала свабоднай і незалежнай3
Каментары