480 польскіх салдат шукаюць элементы аб'екта, які ўчора з усходу парушыў паветраную прастору краіны
Аператыўнае камандаванне Узброеных сіл Польшчы паведаміла аб наземных пошуках магчымых элементаў аб'екта, які ўчора парушыў паветраную прастору Польшчы. Яны праводзяцца сёння, 30 снежня, у Люблінскім ваяводстве.
У пошуках будуць задзейнічаны каля 480 салдат 2-й Люблінскай брыгады тэрытарыяльнай абароны і 19-й надбужанскай брыгады тэрытарыяльнай абароны, піша Reform.by.
«Мэта пошуку — канчаткова пацвердзіць, што на польскай тэрыторыі не засталося ніводнага элемента аб'екта. Дзеянні салдат будуць праходзіць на паўднёвы ўсход ад Замосця. Жыхароў Люблінскага раёна просяць паставіцца да гэтага з разуменнем», — гаворыцца ў прэс-рэлізе ваеннага ведамства.
Аператыўнае камандаванне УС Польшчы паведаміла, што раніцай 29 снежня ў паветраную прастору краіны з боку Украіны ўвайшоў неапазнаны паветраны аб'ект. Пазней у Мінабароны заявілі, што ідэнтыфікавалі аб'ект як расейскую ракету. Яна правяла ў паветранай прасторы Польшчы амаль 3 хвіліны і праляцела каля 40 км, а затым пакінула тэрыторыю краіны.
Намеснік міністра замежных спраў Польшчы Тэафіл Барташэўскі ўручыў расейскаму дыпламату ноту, у якой польскі МЗС патрабуе ад Расеі тлумачэнняў у сувязі з інцыдэнтам з парушэннем паветранай прасторы Польшчы крылатай ракетай і неадкладнага спынення падобнай дзейнасці.
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову17
Каментары