«Абсалютны кал». Z-ваенкары заявілі пра жахлівую якасць снарадаў з КНДР
Расійскія артылерысты ва Украіне скардзяцца на нізкую якасць снарадаў, якія ў 2023 годзе пачала пастаўляць Паўночная Карэя. Па словах праваенных блогераў, больш за ўсё нараканняў атрымліваюць якасць і колькасць пораху ў боепрыпасах, піша The Moscow Times.
Паводле звестак калісьці блізкага да расфармаванай ПВК «Вагнер» тэлеграм-канала Grey Zone, расійскім вайскоўцам на ўзбраенне паступаюць іранскія снарады, пра якія адгукаюцца «нядрэнна», і паўночнакарэйскія, якія «праклінаюць». З-за нізкай якасці пораху іх выкарыстоўваюць у сітуацыях, дзе «дакладнасць і кучнасць, ды і наогул выхад снарада са ствала маюць найменшую важнасць».
Іранскія снарады пакідаюць сляды сажы, ад якіх даводзіцца чысціць баёк прылады, аднак ляцяць «вельмі добра», піша канал «Портфель Генштаба». Паўночнакарэйскія снарады ляцяць міма цэлі, дадае ён, бо зарад пораху ў гільзах часта не адпавядае заяўленаму.
«Абсалютны кал. Калі снарад даляцеў і разарваўся — у разліку гарматы свята, усе танцуюць і спяваюць хвалебныя песні старшыні Кіму. Калі снарад не даляцеў і ўпаў на галаву нашай пяхоце — скажыце дзякуй напаўгалодным карэйскім падлеткам, якія сабралі яго за міску рысу», — адзначае Аляксей Ларкін, супрацоўнік праекта WarGonzo.
Паводле яго слоў, расійскай арміі не варта чакаць нейкага высокатэхналагічнага ўзбраення ад паўночнакарэйскіх вытворцаў, «калі яны не ў стане сабраць просценькі снарад для гарматы».
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў15
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары