Белгідрамет расказаў пра надвор'е на праваслаўнае Вадохрышча.
17 студзеня ўначы і раніцай месцамі па краіне пройдзе невялікі снег, днём без істотных ападкаў. Вецер месцамі парывісты. Ноччу -11..-17°С, месцамі да -18..-20°С; максімальная днём -5..-11°С, па паўднёвым захадзе Беларусі -1..-4°С. У Мінску ўначы чакаецца да мінус 17°С, удзень да мінус 8°С.
У чацвер, 18 студзеня, умовы надвор'я будзе вызначаць актыўная франтальная сістэма і цёплыя марскія паветраныя масы, якія перамяшчаюцца з паўднёвага захаду Еўропы. Чакаецца снег, мокры снег, раніцай і днём з дажджом.
Месцамі прагназуюцца завіруха, слабы туман, галалёд і наліпанне мокрага снегу, на дарогах галалёдзіца.
Вецер днём месцамі моцны парывісты. Ноччу ад -2°С па паўднёвым захадзе да -15°С па паўночным усходзе, максімальная днём -3…+4°С. У Мінску ўначы мінус 8°С, удзень 0..-1°С.
19 студзеня пачне паступаць халоднае паветра са Скандынавіі. Уначы на большай частцы тэрыторыі — снег, мокры снег, па паўднёвым усходзе з дажджом, днём месцамі па краіне чакаецца невялікі кароткачасовы снег, мокры снег. На дарогах месцамі галалёдзіца.
Ноччу будзе ад -1°С па паўднёвым усходзе да -9°С па паўночным захадзе рэспублікі, максімальная днём -5…+1°С. У Мінску цягам дня -5°С.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі25
Каментары