Вайскоўца-кантрактніка з вайсковай часці ў Лідзе аштрафавалі ў мясцовым судзе, піша Hrodna.life. Мужчына паставіў на свой аватар у тыктоку выяву перайначанага герба нацысцкай Германіі, і гэта патрактавалі як распаўсюджанне нацысцкай сімволікі.
Справу разгледзелі 22 студзеня ў судзе Лідскага раёна. Мужчына сваю віну прызнаў. Дадаткова яму яшчэ закінулі распаўсюджванне спасылкі на інтэрнэт-старонку «Салідарнасць.gazetaby» у тыктоку. Змест гэтай старонкі, як і практычна ўсіх іншых незалежных рэсурсаў, прызнаны рэжымам Лукашэнкі «экстрэмісцкім».
У выніку паводле ч. 1 арт. 19.10 КаАП «Прапаганда або публічнае дэманстраванне, выраб, распаўсюд нацысцкай сімволікі або атрыбутыкі» і ч.2 арт. 19.11 КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі экстрэмісцкай дзейнасці або прапагандуе такую дзейнасць» вайскоўца аштрафавалі на 40 базавых адзінак (1600 рублёў) з канфіскацыяй мабільнага тэлефона.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення15
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары