Грамадства22

У Славакіі прапанавалі аднавіць сяброўства з Беларуссю

Лідар прарасійскай ультраправай Славацкай нацыянальнай партыі (SNS) і віцэ-спікер славацкага парламента Андрэй Данка прапанаваў аднавіць дэпутацкія групы сяброўства з Расіяй і Беларуссю. Аб гэтым ён напісаў у фэйсбук, заўважыў reform.by.

 Андрэй Дакпкюнас з Любашам Благам і Андрэем Данка. Фота: LubosBlahaSmer / Тelegram

«Нацыянальная рада Славакіі сцвярджае групы сяброўства ў кожны выбарчы перыяд. Славацкая нацыянальная партыя хоча, каб Нацыянальная Рада Славацкай Рэспублікі мела добрыя адносіны з усімі дзяржавамі», — патлумачыў ён. 

Данка ўпэўнены, што «ўзаемная камунікацыя на парламенцкім узроўні зʼяўляецца важнай умовай разумення і супрацоўніцтва» і такое супрацоўніцтва нельга абмяжоўваць.

Ён спадзяецца на падтрымку такога рашэння з боку партнёраў па ўрадавай кааліцыі партыі Smer-SD Роберта Фіца і партыі «Голас — сацыяльная дэмакратыя».

Славацкі палітык нагадаў аб адмене з 15 студзеня забароны на культурнае супрацоўніцтва з Расіяй і Беларуссю, якую ініцыявала новая міністр культуры Славакіі і член SNS Марціна Шымковіча. Забарона дзейнічала з сакавіка 2022 года і была ўведзена пасля маштабнай агрэсіі Расіі супраць Украіны. 

8 лютага віцэ-спікер парламента Славакіі Андрэй Данка і яго калега Любаш Блага сустрэліся ў Браціславе з Андрэем Дапкюнасам, паслом Беларусі ў Аўстрыі і Славеніі па сумяшчальніцтве, пастаянным прадстаўніком Беларусі пры АБСЕ. 

«Заўсёды рады паціснуць руку і абмяняцца думкамі са шчырымі сябрамі Беларусі, якія заўсёды выступаюць у інтарэсах сапраўднага сяброўства паміж народамі і абараняюць нацыянальныя інтарэсы сваіх краін», — апісаў сустрэчу Дапкюнас. 

З 1996 года ЕС, АБСЕ і ЗША не прызналі дэмакратычнай ніводнай выбарчай кампаніі ў Беларусі. Цяпер у Беларусі ідзе чарговая кампанія па фарміраванні новага складу дзвюх палат Нацыянальнага сходу. Яна праходзіць на фоне масавых рэпрэсій, татальнага падаўлення свабоды слова, пагрому грамадзянскай супольнасці і закрыцця ўсіх апазіцыйных палітычных партый.

Каментары2

  • Меркаванне
    18.02.2024
    Ціханоўская ў сваіх 100500 паездках за мяжу магла б дамовіцца, што гэта адбудзецца хаця б ўзамен на вызваленне палітвязняў.
    Але яна гэтага не зрабіла за 4 гады. У выніку сяброўства Славакіі з рэжымам Лукашэнкі адновіцца, а палітвязні застануцца гніць у турме.
  • Выпраўленне
    19.02.2024
    ...новая міністр культуры Славакіі і член SNS Марціна Шымковіча...https://nashaniva.com/336651
    правільна будзе "...Марціна Шымковічава...".

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць