Мінскэнерга не будзе адключаць ацяпленне ў кватэрах, нягледзячы на адносна цёплае надвор'е
Аднак тэмпературу ў батарэях скарэктуюць.
Нягледзячы на пацяпленне, філіял «Мінскія цеплавыя сеткі» РУП «Мінскэнерга» не будзе адключаць ацяпленне ў кватэрах і на аб'ектах сацыяльнай сферы, паведамляе тэлеграм-канал ведамства.
Сталічныя цепласеткі працягнуць падтрымліваць тэмпературу цепланосьбіта, якая адказвае сацыяльным нормам. Каб жыхары камфортна сябе адчувалі і не было перагрэву батарэй, на час пацяплення тэмпературу вады ўнутры ацяпляльных прыбораў скарэктуюць з тэмпературным графікам.
«Аднак адключэння ацяплення спажыўцоў на перыяд пацяплення да афіцыйнага завяршэння ацяпляльнага сезона вырабляцца не будзе», — гаворыцца ў паведамленні.
У Мінскэнерга нагадалі, што рашэнне пра тое, каб завяршыць ацяпляльны сезон, прымаюць абл-, рай– і гарвыканкамы. Пры гэтым яны ўлічваюць прагнозы Белгідрамета. У Мінску ж адключэнне ацяплення ажыццяўляецца толькі па рашэнні Мінгарвыканкама.
У жылым фондзе прыпыняюць ацяпленне звычайна пры ўсталяванні сярэднясутачнай тэмпературы вонкавага паветра +8°C, якая павінна трымацца трое сутак. У сацыяльнай сферы (бальніцы, дзіцячыя сады, школы) спыняюць тапіць, калі на працягу такога ж часу тэрмометры паказваюць +10°C.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы11
Каментары