Нерухомасць11

Мінчанка здала кватэру і сышла ў мінус на 1000 рублёў

Зараз папярэджвае іншых арэндадаўцаў.

Фота: Onliner.by

Святлана (імя зменена) даўно здае сваю тройку ў хрушчоўцы ў Маскоўскім раёне, але з такой сітуацыяй сутыкнулася ўпершыню, піша Onliner.by.

У 2022 годзе яна засяліла ў кватэру маладую пару з Туркменістана, якая першы год спраўна плаціла арэнду і не дастаўляла праблем. У лістападзе мінулага года дамова скончылася, таму героі нашай гісторыі вырашылі перазаключыць яе на такі ж тэрмін: па словах жанчыны, замежнікі планавалі атабарыцца ў Беларусі і атрымаць ДНЖ.

— Мы прыйшлі ў разліковы цэнтр, каб заключыць дамову арэнды, і мая галоўная памылка была ў тым, што я не ўзяла заклад перад тым, як яго падпісаць, — успамінае Святлана. — Пасля таго як працэдура адбылася, кватаранты абвясцілі: грошай на заклад няма. Я знервавалася, але ў той момант і падумаць не магла, якім бокам мне гэта вылезе.

Прайшоў месяц. У лістападзе Айджан (імя зменена) кажа гаспадыні кватэры, што з'язджае з краіны: у пары адбыўся канфлікт, таму дзяўчына не мае намеру тут больш заставацца. Святлана паспела папрасіць яе зняцца з рэгістрацыі, але іншаземкі і след прастыў.

— Я прыстрашыла яе хлопца, Ахмед (імя змененае), што пайду ў суд і выселю яе прымусова. Ён папрасіў гэтага не рабіць і абяцаў плаціць за яе. Літаральна праз месяц тэлефануе мне з самалёта і абвяшчае: яго дэпартавалі, таму ён пакідае Беларусь. У мяне быў шок, бо я зразумела: выпісацца ён не зможа, таму прыйдзецца выпісваць праз суд абаіх. Пры гэтым аплату арэнды ніхто не адмяняў, — уздыхае мінчанка.

Жанчына пайшла ў суд і літаральна на днях сітуацыя вырашылася. У рамках другога слухання кватарантаў усё ж выпісалі, праз два тыдні Святлана атрымае на рукі рашэнне суда.

Фінал гэтай гісторыі — мінус каля 1100 рублёў з бюджэту мінчанкі, якія няма з каго спагнаць. У гэтую суму ўваходзяць грошы, патрачаныя на судовыя выдаткі, і арэндная плата за двух кватарантаў, якія з'ехалі яшчэ пару месяцаў таму.

— Так як дамову арэнды можна скасаваць толькі па пагадненні бакоў, мая парада ўладальнікам, якія здаюць кватэры: бярыце перадаплату за пару месяцаў наперад. Так вы засцеражэце сябе ад фінансавых страт у выпадку, калі кватаранты знікнуць. Яшчэ адзін варыянт — зрабіць у натарыуса даверанасць на трэцюю асобу, якая дакладна будзе знаходзіцца ў Беларусі і ў выпадку чаго зможа пад'ехаць з вамі ў РДЦ і па даверанасці выпісаць з кватэры былых жыхароў, — падсумавала Святлана.

Каментары1

  • Тэкля
    25.02.2024
    Гэта не зусім так. Дамову можна скасаваць і ў аднабаковым парадку праз суд у выпадку, калі адзін з бакоў не выконвае умовы па дамове

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць