Лукашэнка прызначыў банкіра намеснікам кіраўніка сваёй адміністрацыі
Сёння Лукашэнка прызначыў Аляксандра Ягорава намеснікам кіраўніка сваёй адміністрацыі. Перад гэтым прызначэннем Ягораў быў старшынёй праўлення Банка развіцця.
Ягораву 38 год. Ён скончыў Беларускі дзяржаўны ўніверсітэт (2007 г.) і магістратуру Каледжа Уільямса (2012 г.). Ён — матэматык-эканаміст; магістр гуманітарных навук.
У 2012 — 2015 гг. займаў кіруючыя пасады ў Міністэрстве эканомікі Рэспублікі Беларусь, у 2015 — 2019 гг. — кіруючыя пасады ў Беларусбанку.
Са студзеня 2019 года быў намеснікам старшыні праўлення Беларусбанка.
З сакавіка 2021 г. — старшыня праўлення Банка развіцця.
Прызначаючы Ягорава, Лукашэнка сказаў, што Адміністрацыю чакае мадэрнізацыя.
Па словах Лукашэнкі, пытанні, звязаныя з аналізам і кантролем, у тым ліку за выкананнем даручэнняў, прынятых па выніках нарад з членамі ўрада і эканамістамі, часам рэалізуюцца не ў поўнай меры. «Таму, натуральна, патрэбна вось такая сур'ёзная прапрацоўка групай спецыялістаў, якая магла б бачыць гэтыя працэсы», — сказаў Лукашэнка.
«Тое ж самае ў кадрах, ідэалагічнай працы і гэтак далей. Гэта мае пытанні, вядома. І тут сур'ёзна будзе ўсё мадэрнізавана. І ўвесь гэты блок у плане кантролю, дзесьці і кіравання эканомікай, і фінансы будуць выведзеныя на Адміністрацыю», — сказаў ён.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары