Усяго патроху88

Джорджа Мелоні патрабуе 100 тысяч еўра кампенсацыі за парнаграфічны дыпфэйк з яе ўдзелам

Прэмʼер-міністарка Італіі Джорджа Мелоні запатрабавала 100 тысяч еўра ў якасці кампенсацыі за публікацыю порна-роліка з удзелам яе дыпфэйка, паведамляе Бі-бі-сі.

Прэмʼер-міністарка Італіі Джорджа Мелоні. Фота: Massimo Di Vita / Archivio Massimo Di Vita / Mondadori Portfolio via Getty Images 

Мелоні патрабуе кампенсацыі ад 40-гадовага мужчыны і яго 73-гадовага бацькі. Мяркуецца, што яны выклалі на амерыканскі порнасайт дыпфэйкавыя парнаграфічныя відэаролікі, на якіх нібыта — прэмʼер-міністарка Італіі. Відэа сабралі мільёны праглядаў. Гэта адбылося ў 2020 годзе, за два гады да таго, як Мэлоні заняла пасаду прэмʼер-міністра Італіі.

Абодвух мужчын вінавацяць у паклёпе. Згодна з італьянскім заканадаўствам, некаторыя справы аб паклёпе могуць быць крымінальнымі і цягнуць за сабой пакаранне ў выглядзе пазбаўлення волі.

Чакаецца, што Мелоні дасць паказанні па гэтай справе ў судзе Сардзініі 2 ліпеня.

У выпадку прысуджэння ёй кампенсацыі ў 100 тысяч еўра Мелоні паабяцала ахвяраваць гэтыя грошы ў фонд жанчын, якія пацярпелі ад хатняга гвалту. Адвакат прэмʼер-міністаркі назваў пазоў «сімвалічным», закліканым «паслаць сігнал жанчынам, якія сталі ахвярамі такога роду злоўжывання ўладай, не баяцца вылучаць абвінавачанні».

Дыпфэйкі — гэта фота ці відэа, на якіх твар аднаго чалавека змяшчаецца на цела іншага з дапамогай лічбавай апрацоўкі.

Нядаўна Еўрапарламент ухваліў першы ў свеце закон аб рэгуляванні сістэм штучнага інтэлекту. Згодна з дакументам, самі па сабе дыпфэйкі не лічацца незаконнымі. Аднак іх стваральнікаў абавязалі выразна пазначаць, што выявы, відэа ці аўдыя згенераваны нейрасеткой.

Каментары8

  • leha
    21.03.2024
    а можа без такого ПР'а яна і прэм'ерам бы не стала 😁
    трэба паглядзець
  • leha
    21.03.2024
    а і яшчэ: калі гэта дыпфэйк, дык усё-ж напэўна не "з яе удзелам". а калі з яе ўдзелам, то ўжо і не фейк. магчыма проста дып..
  • бабруйчанін
    21.03.2024
    Нейкая заканадауства пад " цікітокі" інстаграмы іньшыя хтелеграмы патрэбна падводзіць.Ці на уладальнікау як смі ці на " карєспандзентау" і ніякай аНананімнасці...Усе празрыста адпавядальна эурапейскаштоуна..Кітайцы ні пажадаюць пазбавіцца у Штатах забараніць ..Слоусвабода кажыце?)) Рожаадказнасць як супрацьвага..
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім24

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім

Усе навіны →
Усе навіны

У Літве хочуць стварыць дронавую заслону на мяжы з Беларуссю1

«Патэлефануйце Пуціну»: Рутэ папярэдзіў Кітай, Індыю і Бразілію пра другасныя санкцыі3

У парку Чалюскінцаў з’явіцца «Вежа свабоднага падзення»2

Мядзведзеў пра ўльтыматум Трампа: Расіі ўсе роўна8

«Адзін глядзеў тэлефон, другі размаўляў, а трэці ў баку назіраў». Як цяпер праводзяць допыты на мяжы Беларусі з ЕС18

Трампа спыталі, ці ён усё яшчэ лічыць НАТА састарэлай арганізацыяй

Пакалечаная ў Дубаі ўкраінская мадэль пачала гаварыць34

«Напрамак сусветнага ўзроўню». Курорт у Паўночнай Карэі будавалі, каб адкрыць КНДР свету, але пакуль і расіяне не хочуць ехаць8

BMW сутыкнулася з ЗІЛ. Два чалавекі загінулі ў ДТЗ у Жыткавіцкім раёне

больш чытаных навін
больш лайканых навін

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім24

Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім

Галоўнае
Усе навіны →

Заўвага:

 

 

 

 

Закрыць Паведаміць