Іх у Беларусі было няшмат, але цяпер сетка сышла цалкам.
У Мінску закрыліся крамы Spar. Гэта буйная нідэрландская сетка крам з 90-гадовай гісторыяй. Па ўсім свеце працуюць 13 900 крам у 48 краінах. Назва, дарэчы, перакладаецца як «елка» — яе стылізаваная выява ёсць на лагатыпе кампаніі, піша Blizko.by.
Твітэр-карыстальнік Bar_maley выклаў фатаграфіі гастранома на Партызанскім праспекце, 40, недалёка ад станцыі метро «Партызанская». Тут працавала першая ў Мінску крама Spar, але цяпер на шыльдзе напісана «Алмі». Пры гэтым у афармленні экстэр'ера захаваліся фірмовыя чырвоныя колеры. На здымку таго ж карыстальніка ад 1 красавіка крама яшчэ называецца Spar.
Перастаў працаваць сайт sparbelarus.by; на сайце міжнароднай сеткі ў спісе краін прысутнасці Spar Беларусі больш няма. Згодна з гандлёвым рэестрам Беларусі, дзейных крамаў Spar у краіне не засталося: яны альбо выключаныя з рэестра, альбо пераведзеныя ў сетку «Алмі».
У Мінску першая крама сеткі адкрылася ў жніўні 2017 года на Партызанскім праспекце, 40. Франшызай кіравала кампанія «Юніфуд», якая таксама развівала сеткі «Алмі» і Zakrama. Прадстаўнікі кампаніі казалі, што да 2020 года плануюць адкрыць 60 крам у розных гарадах Беларусі. Але ў выніку на ўсю краіну было ў 10 разоў менш крамаў: тры ў Мінску і па адной у Брэсце, Гродне, Бабруйску, Пінску, Кобрыне і Мазыры. Пры гэтым частка з іх несла назвы Eurospar і Interspar.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары