Цела памерлай пенсіянеркі з расійскага Татарстана везлі ў морг у каўшы трактара
З-за адсутнасці асфальтавай дарогі да пасёлка.
Цела памерлай пенсіянеркі з Татарстана (Расія) везлі ў морг у каўшы трактара. Увагу на гэта звярнула выданне 7х7.
92-гадовая жанчына памерла 8 красавіка ў пасёлку Губайдулаўка. Яе цела везлі да найбліжэйшай асфальтавай дарогі ў каўшы трактара — у гэты дзень грунтоўку да населенага пункта размыла вадой.
«Вельмі шмат разоў пісалі, каб зрабілі дарогу, але бессэнсоўна. І ў такіх умовах даводзіцца хаваць людзей», — напісаў унук жанчыны.
Улады пацвердзілі інфармацыю аб гэтым. Кіраўнік раёна заявіў, што ў вёсцы пражывае ўсяго 14 чалавек, а шлях па грунтовай дарозе займае 1,9 км. Ён дадаў, што ўлады накіравалі ў профільнае рэспубліканскае ведамства запыт на ўключэнне дарогі ў праграму работ.
Татарстан — не адзіны рэгіён Расіі, дзе хуткая не можа дабрацца да людзей у аддаленых вёсках. У Чувашыі жыхароў возяць у начоўках і на тачках.
Цяпер чытаюць
Сын Пяткевіч вярнуўся з ЗША, займаецца кансультацыямі па крыптавалюце. І заадно падпрацоўвае стажорам у БДУ8
Каментары