Сабака правеў у тралейбусах і аўтобусах Гродна амаль цэлы дзень. Пра здарэнне распавядае «АвтоГродно».
З пятай гадзіны раніцы сабака па мянушцы Найда катаўся па Гродне: пераскокваў з тралейбуса на тралейбус і з аўтобуса на аўтобус. Яго бачылі, але не маглі злавіць.
Выратавала яго кіроўца тралейбуса №12, якая ўзяла сабаку да сябе ў кабіну.
Увесь дзень сабаку шукала яго сям'я.
«Мы жывём у прыватным сектары на Янкі Купалы і вечарам нашы дзеці забыліся зачыніць брамку. Сёння раніцай мы заўважылі, што Найда ўцякла. Я адразу ж размясціла аб'явы пра пошук у розных чатах і мне пачалі прыходзіць паведамленні ад розных людзей пра тое, што наш сабака катаецца на грамадскім транспарце», — распавядала раней Кацярына, гаспадыня Найды.
Адкуль у сабакі такая любоў да аўтобусаў і тралейбусаў, сказаць складана.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары