Вячаславу Шчаўліку можа пагражаць да трох гадоў калоніі. Імаверна, цяпер ён за кратамі.
Вячаславу Шчаўліку 74 гады. Ён родам з горада Долінска, які знаходзіцца на востраве Сахалін за амаль 10 тысяч кіламетраў ад Мінска. Па звестках Digital Intelligence Team, чалавек з такімі ініцыяламі ў Беларусі адзін.
У 90-я спрабаваў адкрыць ІП, але яно закрылася ў 1996-м. Працаваў ахоўнікам і вартаўніком у Мінску. У яго ёсць жонка і двое паўналетніх сыноў.
Невядома, калі яго затрымалі, але ў сацсетках і месенджарах Шчаўлік даўно не анлайн. Выглядае так, што ён за кратамі.
Шчаўліка пачынаюць судзіць 6 сакавіка 2025 года ў судзе Фрунзенскага раёна разам з дзвюма дзяўчынамі, якія, падобна, знаходзяцца на свабодзе. Іх вінавацяць па «народным» артыкуле за ўдзел у пратэстах (ч. 1 арт. 342 КК). Ім пагражае ад хатняй хіміі да трох гадоў калоніі.
«Наша Нiва» — бастыён беларушчыны
ПАДТРЫМАЦЬ
Каментары
У "Аднакласніках" ўсе маладыя :)