Грамадства11

У Мінску з'явіўся цікавы мурал з незвычайнымі жывёламі ФОТАФАКТ

У Рэспубліканскім рэабілітацыйным цэнтры для дзяцей-інвалідаў адбылося ўрачыстае адкрыццё мурала «Сны лесу», паведамляецца на сайце мабільнага аператара A1.

Фота: А1

 «Сны лесу» стваралася на сценах установы як напамін аб спартыўна-музычным дабрачынным праекце «У адным рытме з А1», які праводзіўся на стадыёне «Дынама» летам 2023 года.

Дзякуючы намаганням удзельнікаў фестывалю А1 на карысць рэабілітацыйнага цэнтра была пералічана фінансавая дапамога на набыццё высокатэхналагічнага абсталявання для рэабілітацыі дзяцей. Каб падтрымліваць і натхняць яго пацыентаў і наведвальнікаў і пасля завяршэння праекта, кампанія ініцыявала стварэнне мурала ва ўнутраным дворыку.

Фота: А1
Фота: А1

Мастачка Ганна Дзюкава распрацавала эскіз «Сны лесу», дзе намалявана шмат дэталяў, якія можна разглядаць і развіваць уяўленне. Галоўныя элементы мурала — жывёлы-шаманы на фоне разнастайных дрэў і кветак.

У кожным з персанажаў зашыфраваныя сімвалічныя пасланні дзецям. Напрыклад, ліса вучыць іх быць настойлівымі і знаходзіць нечаканыя шляхі да вырашэння праблем, а яе аранжавы колер сімвалізуе цяпло і жыццёвую энергію.

Вавёрка сімвалізуе ўпартасць і працу ў камандзе, а яе стараннасць у зборы арэхаў вучыць каштоўнасці працы і супрацоўніцтва.

Заяц увасабляе хуткасць і спрыт, а таксама паказвае, як пераадольваць перашкоды і хутка рэагаваць на зменныя сітуацыі. Сава сімвалізуе мудрасць і інтэлект.

 Фота: А1

Мурал размешчаны ва ўнутраным двары — побач з сонечнай панэллю, усталяванай там А1 па выніках конкурсу «Энергія сонца для Зялёных школ» у 2020 годзе, каб дзеці маглі на свае вочы назіраць за тым, як можна атрымліваць электрычнасць з аднаўляльнай прыроднай крыніцы.

«Гэты мурал стане не толькі ўпрыгожваннем нашага цэнтра, але і важным сімвалам унутранай сілы і падтрымкі для нашых юных пацыентаў. Ён нагадае ім пра тое, што кожны з іх здольны на большае, а таксама пра тое, што яны не самотныя ў сваіх намаганнях», — адзначыла дырэктар Рэспубліканскага рэабілітацыйнага цэнтра для дзяцей-інвалідаў Людміла Кандрашова.

Каментары1

  • Ёсік
    06.05.2024
    Прыбіральню, прыпынак, прыступкі, 700 метраў дарогі, а зараз ужо малюнак на сьценцы адкрываюць з помпай. Рота ганаровай варты і вайсковы ансамбль, што сьпяваў аб крытым мужыку былі запрошаны? Людцы, вам не апастылела язык дуркаватай уладзе так глыбока засоўваць?

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Трамп лічыць, што Пуцін ва Украіне мог бы дзейнічаць і больш жорстка12

Сталі вядомыя падрабязнасці разбойнага нападу з пісталетам у Мінску1

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

У Светлагорску рэканструююць ЦКК, дадаўшы новыя аб'екты

У Крамлі заявілі, што будуць далей ваяваць дзеля «міру на стагоддзі»5

больш чытаных навін
больш лайканых навін

Крымскі мост зруйнаваны ўдарам украінскіх ракет35

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць