Прэзідэнт Малдовы пацвердзіла, што музыкі «Бі-2» папрасілі грамадзянства
Мая Санду чакае дакументы на подпіс.
Прэзідэнт Малдовы Мая Санду пацвердзіла, што некалькі музыкаў гурта «Бі-2» падалі заявы на атрыманне малдаўскага грамадзянства.
У інтэрв'ю Юрыю Дудзю лідар Малдовы адзначыла, што разгледзіць гэтыя просьбы. «Да мяне не дайшлі яшчэ дакументы. Калі там усё ў парадку, то яны атрымаюць грамадзянства», — сказала Санду.
Паводле яе слоў, закон дазваляе ў асобных выпадках прадастаўляць грамадзянства людзям немалдаўскага паходжання.
«Калі гэта каштоўныя, таленавітыя людзі, людзі, якіх мы паважаем. У гэтым выпадку гэта людзі, якіх мы ўсе паважаем. Я спадзяюся, што ўсе дакументы будуць у парадку, і я змагу падпісаць», — распавяла прэзідэнт Малдовы.
Са слоў Санду, наўзамен музыкі павінны будуць паважаць інтарэсы Малдовы. Пры гэтым у іх не будзе абавязку жыць у краіне. Але што, калі даванне грамадзянства музыкам з «Бі-2» выкліча цэлую хвалю аналагічных запытаў ад людзей, якія бягуць ад вайны?
Санду адзначыла, што ўсе заявы будуць разглядацца паводле закона Малдовы.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»25
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары