Асуджаны на 25 гадоў расійскі палітык Кара-Мурза стаў уладальнікам Пулітцэраўскай прэміі
Расійскі публіцыст і апазіцыйны палітык Уладзімір Кара-Мурза, прысуджаны ў Расіі да 25 гадоў зняволення паводле артыкулаў пра «дзяржздраду», супрацу з «непажаданай» арганізацыяй і «фэйкі» пра войска, стаў лаўрэатам прэстыжнай Пулітцэраўскай прэміі
Адзначаецца, што Уладзімір Кара-Мурза быў прызнаны найлепшым у намінацыі «каментар» за некалькі публікацый у раздзеле «меркаванні» ў газеце The Washington Post, якія выйшлі са студзеня па кастрычнік 2023 года. Гэтыя каментары прысвечаныя вайне Расіі супраць Украіны, апазіцыянеру Аляксею Навальнаму, магчымасці палітычных пераменаў у Расіі і іншым актуальным тэмам, піша Deutsche Welle.
Прысуд у 25 гадоў, вынесены Уладзіміру Кара-Мурзе ў красавіку 2023 года, гэта самы працяглы турэмны тэрмін, які калі-небудзь прызначаўся за крытыку Пуціна.
Да прысуду палітык правёў пад вартай год, хоць абарона настойвала, што ён не можа па стане здароўя ўтрымлівацца ў СІЗА.
30 студзеня 2024 года Кара-Мурзу перавялі ў адзінае памяшканне камернага тыпу (АПКТ) у папраўчай калоніі №7 (ПК-7) у Омску. Умовы ўтрымання ў АПКТ лічацца самымі строгімі. Сям'я і адвакаты апазіцыянера заяўляюць, што ён пакутуе на палінейрапатыю праз дзве спробы атруціць яго, у якіх падазраюць спецслужбы РФ. Праваабарончыя арганізацыі прызналі Уладзіміра Кара-Мурзу палітвязнем. Чальцы Кангрэсу ЗША заклікалі Белы дом унесці расійскага палітыка ў спіс «незаконна затрыманых».
19 красавіка 2024 года праваабарончы праект «Першы аддзел» паведаміў са спасылкай на жонку зняволенага Яўгену Кара-Мурзу, што яе мужа збіраюцца супраць волі этапаваць з Омска ў Маскву для ўдзелу ў пасяджэнні Вярхоўнага суда ў касацыі на прысуд. Па словах Яўгеніі Кара-Мурзы, прымусовае этапаванне ў Маскву, якое можа заняць некалькі месяцаў, азначае, што родныя ў найбліжэйшы час страцяць сувязь з Уладзімірам.
-
20‑гадовую дзяўчыну з аграрадка Макраны на мяжы з Украінай асудзілі за Гаюна
-
Сабаленку ў Мінску ахоўвала кампанія, заснаваная былым гэбістам і ўчастковым. На пярэднім краі быў легендарны Іваныч
-
Польшча рэзка знізіла выдачу міжнароднай абароны беларусам. У чэрвені адмоў удвая больш, чым станоўчых рашэнняў
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1515
Каментары