«Калі паліцэйскія пабачылі кашулі, змяніліся ў тварах». Што новага ў беларусаў, якіх збіла ахова рэстарана?
Навагодняя ноч у рэстаране Paros, што ў цэнтры Варшавы, скончылася для беларусаў Аляксея і Паўла зламаным носам і шматлікімі гематомамі. Інцыдэнт адбыўся ў выніку бойкі з аховай рэстарана.
Як усё адбылося? Раней хлопцы распавялі журналістам, што ў выніку сваркі з дзяўчынай Аляксей адышоў у туалет, «каб прыйсці ў сябе». Брат дзяўчыны Павел далучыўся да яго, каб супакоіць і падбадзёрыць.
Іх дыялог праз некаторы час перарваў ахоўнік, які пачаў выганяць маладых людзей з кабінкі санвузла. Хлопцаў раззлавала такое стаўленне, пачаўся дыялог на павышаных танах, рэакцыяй на яго стала збіццё з боку ахоўнікаў. Пасля кампанію выставілі за дзверы рэстарана.
Як распавяла «Нашай Ніве» Паліна Ляшковіч, сястра Паўла, 2 студзеня яны нарэшце прайшлі судмедэкспертызу — падазрэнне на зламаны нос выявілі не толькі ў Паўла, але і ў Аляксея, але для дакладнага дыягназу другому трэба дачакацца, пакуль спадзе ацёк.
«У Паўла сёння была аперацыя на носе. Прайшла, здаецца, паспяхова», — расказала Паліна.
У Аляксея ж сёння прынялі заяву ў паліцыі.
«Прыватны судмедэксперт патлумачыў нам, што калі ў Пашы зламаны нос, ён можа адразу падаваць заяву ў пракуратуру, бо гэта цяжкае цялеснае пашкоджанне. Гэта ён учора і зрабіў. Калі мой пералом носа пацвердзіцца, сітуацыя будзе такая самая. Пакуль жа ў мяне прынялі заяву ў аддзяленні паліцыі па месцы жыхарства», — распавёў Аляксей.
Хлопец кажа, што, на шчасце, пералом рэбраў у яго не пацвердзіўся, але наступствы збіцця такія, што дагэтуль баляць ныркі.
Аляксей адзначыў, што супрацоўнікі паліцыі былі настроеныя прыязна.
«Калі яны пабачылі нашы акрываўленыя кашулі, якія перадалі як рэчдоказ, то ўвогуле змяніліся ў тварах і голасе. Зразумелі, што сапраўды адбылося нешта сур’ёзнае, а не проста штуршкі. Нашай справе прысвоілі нумар, узялі кантакты сведак. Пашу і Паліну яшчэ выклічуць для апытання. Будзем чакаць вынікаў. У нашым уяўленні няма ніводнага шанцу падаць гэта так, што гэта мы там не мелі рацыі».
У рэстаране Paros па ўказаных нумарах ніхто не адказвае, таму даведацца пазіцыю ўстановы пакуль немагчыма.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары
у... кабінцы санвузла ?
некалі слова "злучайцеся" на герба замянілі на "яднайцеся", бо злучаюцца ну гэтыя...