У аналагічнай сітуацыі будуць і расіяне.
Савет Рэспублікі ратыфікаваў дагавор з Расіяй, які рэгулюе парадак узаемнага выканання рашэнняў судоў па аліментах.
Цяпер судовыя выканаўцы дзвюх краін змогуць пачынаць вытворчасць у выпадку наяўнасці звестак аб працаўладкаванні даўжніка нават пры адсутнасці дадзеных аб яго рэгістрацыі па месцы жыхарства, паведамляе прэс-служба Савета Рэспублікі.
Гэта значыць, што беларусам з рэгістрацыяй на радзіме больш не ўдасца схавацца ад аліментаў, з'ехаўшы працаваць у Расею. Аналагічны прынцып будзе дзейнічаць і ў дачыненні да расейцаў, якія паедуць на працу ў Беларусь.
Раней для спагнання аліментаў было неабходна, каб неплацельшчык быў зарэгістраваны па месцы жыхарства. Цяпер жа судовыя выканаўцы будуць улічваць дадзеныя працоўнай кніжкі, аліменты будуць вылічваць па факце працаўладкавання.
Таксама дагавор пазбаўляе судовых выканаўцаў ад абавязку выпісваць новы выканаўчы ліст у выпадку, калі плацельшчык аліментаў змяняе працу. Цяпер стары выканаўчы ліст будзе працягваць дзейнічаць пры пераходзе плацельшчыка ў іншую арганізацыю.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары