Спадарожнікавыя здымкі ўпершыню зафіксавалі спецыяльны кітайскі авіяносец выключна для дронаў, які ўлады Кітая некалькі гадоў афіцыйна хаваюць ад свету і трымаюць далёка ад асноўных кітайскіх портаў, паведамляе амерыканскае выданне Naval News. Аналітыкі паспрабавалі высветліць магчымыя характарыстыкі «дронаносца».
У адной з верфяў ракі Янцзы правінцыі Цзянсу (побач з гарадамі Нанкін і Шанхай) спадарожнікамі быў зафіксаваны першы ў свеце «дронаносец» ВМФ Кітая — карабель авіяноснага тыпу, які прызначаны выключна для запуску баявых ці разведвальных дронаў розных памераў.
Паводле разведкі ЗША і выдання Naval News, карабель быў пабудаваны яшчэ ў 2022 годзе і з тых часоў яго існаванне Кітаем ніяк не прызнаецца.
«Дронаносец» з'яўляецца чацвертым па ліку авіяносцам Кітая і размешчаны ён «наўмысна далёка» ад асноўных суднабудаўнічых заводаў Шанхая. Апарат не падобны ні на які вядомы заходні карабель, адзначаюць аналітыкі.
Па габарытах ён меншы, чым звычайны авіяносец. Палётная палуба прыкладна на дзве траціны карацейшая і напалову вузейшая за самыя буйныя ўзоры авіяносных суднаў. Канструкцыя палётнай палубы не дазваляе адначасова запускаць і саджаць апараты, але падыходзіць для паступовага ўзлёту і пасадкі беспілотнікаў з нерухомым крылом і размахам крылаў да 20 метраў.
«Корпус «дронаносца» таксама незвычайны — гэта шырокі катамаран. Такая форма карабля з'яўлялася толькі канцэпцыяй, ніхто дагэтуль не адважваўся падобнае рэалізаваць. З-за нізкасці палётнай палубы ў апарата, хутчэй за ўсё, няма ангараў, альбо ў іх вельмі невысокія столі», — аналізуе старшы навуковы супрацоўнік Інстытута Мітчэла і былы афіцэр разведкі ВМС ЗША Дж. Майкл Дам.
Майкл Дам мяркуе, што такі апарат не прызначаны для працяглага вядзення бою і хутчэй з'яўляецца эксперыментальнай платформай для выпрабаванняў беспілотнікаў у моры, або ён будзе выконваць іншыя даследчыя місіі.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ20
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары