На гэтым аэрадроме знаходзіліся дзясяткі розных самалётаў, якія атакуюць украінскія пазіцыі на фронце: Су-34, Су-25, Су-27, МіГ-29.
Улады Краснадарскага краю паведамілі аб нападзе ўкраінскіх беспілотнікаў на адзін з размешчаных у рэгіёне нафтаперапрацоўчых заводаў.
Паводле інфармацыі крыніц Украінскай службы Бі-бі-сі, дроны Службы бяспекі Украіны (СБУ) нанеслі ўдары па ваенным аэрадроме ў станіцы Кушчэўская і Славянскаму НПЗ у Краснадарскім краі.
«Па аэрадроме яны адпрацавалі сумесна з Сіламі беспілотных сістэм УСУ, — распавяла крыніца. — На гэтым аэрадроме знаходзіліся дзесяткі розных самалётаў, якія атакуюць украінскія пазіцыі на фронце: Су-34, Су-25, Су-27, МіГ-29».
Аб тым, наколькі выніковымі аказаліся гэтыя ўдары, інфармацыі пакуль няма. Расійскія ўлады аб ударах па Кушчаўскай не паведамлялі.
Кіраўніцтва Славянскага НПЗ заявіла, што пасля некалькіх гучных прылётаў завод спыніў працу, і зараз праводзіцца ацэнка пашкоджанняў.
Па даных крыніцы, гэта ўжо другая атака дронаў СБУ на ваенны аэрадром у Кушчаўскай і Славянскі НПЗ за апошнія тры тыдні. Тады на аэрадроме было пашкоджана некалькі самалётаў, а на НПЗ былі пашкоджаны рэктыфікацыйная і атмасферная калоны.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі2
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары