Праблемнае прадпрыемства выдаткуе 9 тысяч долараў, каб змяніць аранжава-зялёную шыльду на чырвона-зялёную
Аўтапарк № 6 ААТ «Гомельаблаўтатранс» праводзіць працэдуру закупкі новых шыльдаў за кошт уласных сродкаў. На выраб і мантаж дзвюх шыльдаў над уваходнай групай філіяла прадпрыемства гатова патраціць 29 тысяч рублёў (больш за 9 тысяч долараў), заўважыў «Флагшток».
Галоўнае ў новым афармленні тое, што яно павінна ўяўляць сабой вялізную чырвона-зялёную стужку (колеру дзяржсцяга) даўжынёй 35 метраў. Тэрміны выканання работ — з 31 мая па 15 чэрвеня.
Да гэтага дызайнерскае рашэнне шыльды было аформлена ў аранжавым і зялёным колерах.
Аўтапарк № 6 займаецца, у асноўным, пасажырскімі перавозкамі і абслугоўвае каля 70 гарадскіх маршрутаў. Як раней распавядаў «Флагшток», прадпрыемства зʼяўляецца праблемным — узровень зносу транспарту складаў 77%, а акупнасць перавозак аўтобусамі — 64-68%.
Каментары