Прэзідэнт пераходнага перыяду Буркіна-Фасо Ібрагім Траарэ ўручыў расійскаму міністру замежных спраў Сяргею Лаўрову вышэйшую дзяржаўную ўзнагароду краіны — ордэн Жарабца, паведамляе МЗС Расіі.
Гэтая ўзнагарода была заснаваная ўладамі Буркіна-Фасо ў 1993 годзе. Яе могуць атрымаць вайсковыя ці цывільныя асобы за «асаблівыя заслугі» перад гэтай краінай.
Сяргей Лаўроў прыбыў у Буркіна-Фасо 4 чэрвеня. Гэта першы візіт расійскага міністра ў гэтую краіну. Лаўроў анансаваў дадатковыя пастаўкі зброі для Буркіна-Фасо, назваўшы вайсковае партнёрства з афрыканскай дзяржавай «вельмі і вельмі канкрэтным і моцна прасунутым».
Гэтае партнёрства стала магчымым пасля двух дзяржаўных вайсковых пераваротаў у Буркіна-Фасо ў 2022 годзе, да якіх, як нярэдка цяпер адбываецца і ў іншых краінах рэгіёну, прыклала руку актыўная тут расійская ПВК «Вагнер».
Да гэтага Лаўроў у рамках візіту ў Афрыку наведаў Гвінею і Рэспубліку Конга. Таксама ён плануе наведаць Чад.
Цяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары