Грамадства77

«Некалькі гадзін кружыў па Мінску, правяраючы сачэнне». Экс-дырэктару Добрушскага фарфоравага завода далі дзевяць гадоў

Асуджаны за карупцыю і яго брат.

Былы дырэктар ЗАТ «Добрушскі фарфоравы завод» Аляксандр Вінакураў і яго брат Сяргей асуджаныя за карупцыйныя злачынствы. Прысуд вынесены Цэнтральным раённым судом Гомеля, паведамляе прэс-служба Вярхоўнага суда.

Яны абвінавачваліся ў атрыманні незаконнага ўзнагароджання ад камерцыйнай арганізацыі за выгадныя ўмовы аплаты і бесперабойную пастаўку прадукцыі з узначаленага Аляксандрам Вінакуравым прадпрыемства.

Аляксандр Вінакураў

Братоў Вінакуравых супрацоўнікі ГУБАЗіК затрымалі ў верасні мінулага года. Тады міліцыянты зрабілі справаздачу, што Вінакуравых затрымалі непасрэдна пасля перадачы грошай:

«Устаноўлена, што зламыснік прымаў меры канспірацыі: на сустрэчы з хабарадавальнікам ён адпраўляў свайго брата. Пасля атрымання чарговага канверта апошні некалькі гадзін кружыў па Мінску, правяраючы наяўнасць сачэння. Калі не знайшоў яго, адправіўся да фігуранта для абмеркавання вынікаў перамоваў і перадачы грошай. Пасля заканчэння сустрэчы братоў затрымалі», — гаварылася ў паведамленні МУС.

Паводле версіі следства, брат дырэктара завода Сяргей Вінакураў пазнаёміўся з дырэктарам ТАА «Снабаўтадэталь» — фірмы, якая займаецца перапродажам прадукцыі фарфоравага завода. Сяргей Вінакураў уладкаваўся на фірму намеснікам дырэктара, дзе і прапрацаваў з кастрычніка 2022 года па ліпень 2023 года.

У сваю чаргу, Аляксандр Вінакураў «за спрыяльнае вырашэнне пытанняў, якія ўваходзяць у яго кампетэнцыю, выкананне ў інтарэсах К. [дырэктара ТАА «Снабаўтадэталь»] і прадстаўляюцца ім суб'ектаў гаспадарання дзеянняў па забеспячэнні бесперабойных паставак прадукцыі ЗАТ «Добрушскі фарфоравы завод», яе пастаўках на выгадных для К. умовах аплаты, прадастаўленні рынку збыту прадукцыі дасягнуў дамоўленасці з К. аб выплаце яму грашовага ўзнагароджання», — паведаміў падрабязнасці Гомельскі абласны суд.

Згодна з матэрыяламі суда, з верасня 2022 года да снежня 2023 года Аляксандр Вінакураў, пры дапамозе брата — Сяргея Вінакурава, атрымаў для сябе і блізкіх ад дырэктара фірмы ў якасці хабару «грашовыя сродкі і набылі выгаду маёмаснага характару на 63 245,31 рубля».

Абвінавачаныя, хоць і не адмаўлялі ў судзе факты атрымання грошай ад прадстаўніка фірмы, сваю віну ў атрыманні хабараў не прызналі.

Цэнтральны раённы суд Гомеля прысудзіў Аляксандра Вінакурава за атрыманне хабару да 9 гадоў узмоцненага рэжыму, са штрафам 700 базавых велічынь (28 тысяч рублёў) і пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, тэрмінам на 5 гадоў.

Сяргей Вінакураў за дапамогу ў атрыманні хабару атрымаў 7 гадоў узмоцненага рэжыму са штрафам 500 базавых велічынь (20 000 рублёў).

Таксама братам неабходна будзе выплаціць дзяржаве «эквівалент беспадстаўна набытай выгады» ў памеры 29 317 рублёў.

Каментары7

  • даведка
    08.06.2024
    Давно столь жёстких приговоров по взяточничеству и коррупции не было в Беларуси. Даже странно как-то...
  • Вінакур
    08.06.2024
    Праз год выпусціць з падвышэннем
  • Ac..
    08.06.2024
    Фемида, не, гэта рыса дзяржслужачых як такіх.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю37

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю

Усе навіны →
Усе навіны

Пратасевіч: Вядомыя выпадкі, калі зняволеныя адмаўляліся прызнаваць віну і ўсё адно атрымлівалі памілаванне7

У расійскае консульства ў Марселі кінулі два кактэйлі Молатава

«Ніхто не зрабіў большае шкоды для Беларусі, чым ён»? Ліст пра Станіслава Шушкевіча34

У Папы Францішка пачалася ныркавая недастатковасць1

Расследавальнікі далі новую ацэнку загінулых расійскіх вайскоўцаў на вайне ва Украіне13

За мінулыя суткі на пажарах у Беларусі загінулі восем чалавек

Зарабіў, вярнуўся, перамог. Хто такі Фрыдрых Мерц, які стане новым канцлерам Германіі8

Што за мацак зачараваў беларусак праходкамі ў вітрыне ў адных майтках12

Максім Рыжанкоў адправіўся ў Швейцарыю11

больш чытаных навін
больш лайканых навін

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю37

ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю

Галоўнае
Усе навіны →

Заўвага:

 

 

 

 

Закрыць Паведаміць