Выйшаў фотаальбом унікальных матэрыялаў экспедыцыі Вацлава Ластоўскага 1928 года
Альбом унікальнай калекцыі фотаматэрыялаў, сабраных этнаграфічнай экспедыцыяй пад кіраўніцтвам Вацлава Ластоўскага на Случчыне і Мазыршчыне ў 1928 годзе, падрыхтавалі да друку выдавецтвы Czabor Publishing і Skaryna Press.
Выданне ўпершыню прадстаўляе шырокаму колу чытачоў калекцыю фотаматэрыялаў, сабраных этнаграфічнай экспедыцыяй пад кіраўніцтвам Вацлава Ластоўскага на Случчыне і Мазыршчыне ў 1928 годзе.
У ім прадстаўленыя выявы з арыгінальнага альбома экспедыцыі, які захоўваецца ў Бібліятэцы і музеі імя Францішка Скарыны ў Лондане. Унікальныя фотаздымкі з узорамі сакральнага мастацтва і архітэктуры, народнага касцюму, ткацтва і прадметаў побыту адлюстроўваюць багатую і самабытную культуру паўднёвых рэгіёнаў Беларусі.
Укладальніца, аўтарка тэксту і каментароў выдання — мастацтвазнаўца, культуролаг і этнолаг Вольга Лабачэўская.
Рэдактарка — Караліна Мацкевіч.
Альбом мае навуковую і практычную каштоўнасць для этнографаў, мастацтвазнаўцаў, культуролагаў, гісторыкаў навукі, музейных супрацоўнікаў і будзе цікавы шырокаму колу аматараў беларускай традыцыйнай культуры.
Кіраўніком экспедыцыі ў 1928 годзе быў Вацлаў Ластоўскі, які ў той час загадваў кафедрай этнаграфіі Інбелкульта і быў дырэктарам Беларускага дзяржаўнага музею.
Складаны лёс напаткаў як матэрыялы экспедыцыі, так і яе ўдзельнікаў: сталінскія рэпрэсіі, акупацыя падчас Другой сусветнай вайны. Але фотаальбом, уратаваны падчас вайны, захаваўся ў Лондане, расказваюць у выдавецтве Skaryna Press, дэманструючы фрагменты ўнікальнай кнігі, а таксама публікуючы артыкул Вольгі Лабачэўскай «Архіў забытай экспэдыцыі».
Набыць фотаальбом можна ў інтэрнэт-краме kniger.by з перасылкай па ўсім свеце. Або ў краме ў Мінску: ГЦ «Купалаўскі» пад Кастрычніцкай плошчай, ралеты 41-42 (пн — пт з 11 да 18.30, сб з 11 да 17, нд з 11 да 16). Магчымая кур’ерская дастаўка па Мінску, кошт дастаўкі 8 рублёў.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары