Нерухомасць2222

У Беларусі растуць цэны на нерухомасць. Хто купляе?

Рынак нерухомасці адчувае сябе даволі стабільна. Як паказвае статыстыка, колькасць здзелак расце — як і цэны.

Ілюстрацыйны здымак. Фота: «Наша Ніва»

Што з попытам?

Па выніках мая 2024 года сярэдні кошт квадратнага метра ў сталіцы вырас на 2,4% і склаў 1520 даляраў. Прычым гаворка не пра прапанову, а пра рэальныя здзелкі. Планка ў паўтары тысячы за метр была пераадолена ўпершыню з 2015 года.

Разбежка сярэдняй цэны на кватэры па раёнах Мінска выглядала так: ад $1313 за квадрат у Заводскім раёне да $1604 у Цэнтральным.

Ад пачатку года сярэдні кошт кватэр у Мінску па фактычных здзелках павялічыўся на 8%.

Тэндэнцыя росту мае ўсё шанцы захавацца, бо май 2024 года стаў рэкордным па колькасці здзелак. Праўда, не ў абсалютных паказчыках, а ў параўнанні з тым жа месяцам у мінулыя гады. Агулам жа праз вялікую колькасць выходных майскія аб'ёмы продажаў былі крыху меншымі, чым сакавіцкія і красавіцкія.

Па назіраннях рыэлтараў, каля 20% продажаў кватэр у Мінску прыходзіцца на жыхароў рэгіёнаў.

Сітуацыя ў абласных цэнтрах

Але цэны на нерухомасць растуць не толькі ў сталіцы. Кватэры даражэюць і ў абласных цэнтрах.

Сярэдні кошт жытла ў Брэсце, які з'яўляецца самым дарагім абласным цэнтрам, працягвае расці. Па стане на 1 чэрвеня ён склаў $936 за метр. Месяцам раней было $925. Ад пачатку года цэны на кватэры ў Брэсце выраслі на 7,2%.

У Гродне, які займае другое месца па дарагоўлі нерухомасці сярод абласных цэнтраў, цэны таксама растуць.

Ілюстрацыйны здымак. Фота: «Наша Ніва»

Па стане на 1 чэрвеня метр у Гродне ў сярэднім каштаваў $824. Месяцам раней было $819. Ад пачатку года кватэры ў Гродне падаражэлі на 3,8%.

Як і ў выпадках са сталіцай, значную долю купцоў нерухомасці ў Гродне і Брэсце складаюць жыхары рэгіёнаў. 

Іншыя абласныя цэнтры таксама паказваюць рост цэн на кватэры. 

Магілёў — плюс 4,2% ад пачатку года ($801 за м² на 1 чэрвеня).

Гомель — плюс 7,3% ад пачатку года ($796 за м² на 1 чэрвеня).

Аўтсайдэрам сярод абласных цэнтраў з'яўляецца Віцебск, там не толькі самыя нізкія цэны за квадрат, але і самы сціплы рост цэн. Ад пачатку года нерухомасць у Віцебску падаражэла толькі на 0,5% і дасягнула $743 за м². 

Ілюстрацыйны здымак. Фота: «Наша Ніва»

Хто скупляе кватэры?

Людзі, знаёмыя з сітуацыяй на рынку нерухомасці, адзначаюць, што апроч рэгіяналаў, якія часцяком набываюць нерухомасць у буйных гарадах для дзяцей, немалую долю складаюць беларусы, якія працуюць за мяжой.

Большасць з іх, па назіраннях прадаўцоў, працуе ў Еўропе дальнабойшчыкамі.

Сярод чыннікаў, якія ўплываюць на рост цэн на нерухомасць, эканамісты вылучаюць зніжэнне працэнтных ставак па крэдытах на куплю нерухомасці. А таксама зніжэнне ставак па валютных укладах. Частка людзей проста «бетаніруе» свае зберажэнні ў тым ліку праз нізкі ўзровень даверу да банкаў.

У меншай ступені на рост цэн уплывае попыт з боку замежнікаў, галоўным чынам расіян. Прадаўцы нерухомасці адзначаюць, што калі інтарэс на нерухомасць у Беларусі з боку ўсходніх суседзяў і падрос, то неістотна.

Каментары22

  • Этот
    16.06.2024
    Скорее всего покупают те, кто не живёт в РБ. Я тоже вот собрался купить в регионе.
  • Сакавік
    16.06.2024
    Жудасную фотку выбралі для ілюстрацыі((((
  • Не злой дальнобой
    16.06.2024
    Среди дальнобоев правда многие только и идут туда, чтобы денег на квартиру насобирать. Некоторое семьями идут в парный экипаж, чтобы денег быстро насобирать на жилье себе или детям. Наших в дальнобое по Европе очень много

Расійскі шахед выбухнуў за 55 км ад Бабруйска3

Расійскі шахед выбухнуў за 55 км ад Бабруйска

Усе навіны →
Усе навіны

Латвія хоча наогул забараніць машынам з беларускімі нумарамі перасоўвацца па краіне8

Віцебская сям'я знайшла зніклага сваяка праз 25 год1

Трамп упершыню з'явіўся на публіцы з перавязаным вухам пасля стрэлаў у Пенсільваніі ФОТА1

Беларус, які сарваўся са скалы ў Кабардзіна-Балкарыі, загінуў

«Білі флагштокам, каб роўна стаяў на каленях перад начальнікам», — палітвязень, які мяняў сцягі на бел-чырвона-белыя, расказаў пра зняволенне

Уначы шахед зноў заляцеў у Беларусь1

На Валожыншчыне блаславілі новы помнік на магіле святара, якога забілі камсамольцы ў 1950 годзе1

Што адбываецца з кліматам? Такая спёка летам будзе заўсёды?6

Беларуса затрымалі пасля адпачынку ў Італіі3

больш чытаных навін
больш лайканых навін

Ад заўтра абмежаванні на ўезд аўто з беларускімі нумарамі збіраецца ўвесці Літва

Ад заўтра абмежаванні на ўезд аўто з беларускімі нумарамі збіраецца ўвесці Літва

Галоўнае
Усе навіны →