Разборкі ў КР працягваюцца: Латушка з пазіцыі сілы змяняе статут КР, блок Пракоп’ева супраціўляецца
Каардынацыйная рада трэцяга склікання так і не паспела пачаць паўнавартасную працу, як зноў апынулася ў цэнтры скандалу. Зрэшты, скандал якраз і звязаны з вызначэннем таго, па якіх правілах гуляць.
Паспрабуем максімальна схематычна пераказаць сэнс непаразуменняў.
У свой час у статут Каардынацыйнай рады другога склікання запісалі пункт, паводле якога нельга спалучаць «міністэрскую» пасаду ў кабінеце Святланы Ціханоўскай і статус дэпутата КР.
На цяперашніх выбарах перамагла фракцыя Паўла Латушкі — а Латушка якраз не адпавядае гэтаму правілу аб сумяшчэнні пасадаў. Зрэшты, такая ж сітуацыя з Алінай Коўшык з фракцыі «Еўрапейскі выбар».
І што далей? Пяць фракцый (агулам гэта 66% складу КР — гэта каманда Латушкі i рух «За Свабоду», «Еўрапейскі Выбар», «Незалежныя Беларусы», «Воля», «Хопіць Баяцца») вырашылі змяніць статут Каардынацыйнай рады. Хутчэй, не змяніць, а проста адмяніць стары і ўвесці новы.
Гэтаму супраціўляецца «апазіцыя» — блок Пракоп’ева-Ягорава, «Моладзевы наступ» і каманда Розы Турарбекавай «Наша справа».
Ягораў як спікер Каардынацыйнай рады другога склікання адстойвае стары статут, распрацаваны пры ім — але цяпер ён проста дэпутат, ды яшчэ і знаходзіцца ў меншасці, таму незразумела, як пры галасаванні можа здабыць перамогу.
Што адбываецца цяпер? Праводзіцца ўнутранае галасаванне ўдзельнікаў Каардынацыйнай рады. Кааліцыя, сабраная вакол Латушкі, з пазіцыі сілы настойвае на сваіх правілах і сваім рэгламенце. Выбары спікера таксама плануюць праводзіць па новай формуле.
«Увогуле сітуацыя для нас як для «апазіцыі» вельмі цяжкая, бо альбо ты гуляеш з імі, альбо не гуляеш зусім», — прызнае апазіцыйны «Моладзевы наступ».
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары
Трэба аднак заўважыць, што змусіў сумленнага прадпрымальніка ператварыцца на палітыка ціск рэжыму,