«Быў напалоханы, моцна крычаў». Кот, якога падстрэлілі стралой з арбалета, памёр
Страла даўжынёй 17 см прабіла не толькі лёгкія, але і сэрца. Учора памылкова паведамлялася, што коцік выжыў.
У інтэрнэце разляцелася відэа, на якім ветэрынар распавёў, што ўначы атрымаў званок з просьбай дапамагчы кату: у жывёлы ў баку быў дроцік, паведамляў Mogilev Online. Па словах доктара, пасля агляду высветлілася, што гэта страла ад арбалета.
Пра сітуацыю ветэрынар распавядаў эмацыйна і з нецэнзурнымі словамі. Кажа, што параіў тым, хто тэлефанаваў, хутчэй прывезці ката, бо дроцік мог быць ад камунальнікаў і ўтрымліваць таксін.
— Прыязджаюць, я аглядаю катка — і што вы думаеце? У катку тырчыць страла ад арбалета — 17 сантыметраў, — якая прайшла яму праз два лёгкія, — кажа на відэа доктар.
«На жаль, коцік загінуў», — паведаміў карэспандэнту Onlíner ветэрынар Рыгор Белягаў.
Падрабязнасцямі падзялілася і гаспадыня ката Вікторыя:
— Кот выходзіў гуляць штодня і ў той дзень гэтак жа выйшаў пагуляць. Вярнуўся дадому ўвечары ўжо са стралой у баку, спалоханы, крычаў моцна. Выклікалі ўчастковага, напісалі заяву. І адразу паехалі ў ветклініку Бабруйска. Там пасля рэнтгена выявілася, што праткнутыя наскрозь два лёгкія і закранута сэрца. На што доктар сказаў, што калі дастаць стралу — жыццё Сімбы 50 на 50. Праз 5 хвілін пасля даставання стралы кот памёр.
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары
Любы чытач прадказальна на тое тлумачэньне зрэагаваў нэгатыўна.
Сёньня ж мы пагаворым пра пазытыўнае права, то бок законы, якія да звычайнага права ці то таўталягічныя (ў лепшым разе) а звычайна супярэчаць яму.
І вось, як і карціць любаму чытачу, ёсьць закон, што забіць валацужнага ката злачынства - шукае міліцыя (не шукае на справе, ў пастарунку бавяцца ў мабільніку тыктокі), шукае пажарная і так далей.
Але всь ўрывачак з артыкулу "ДРОЦІК МОГ БЫЦЬ АД КАМУНАЬНІКАЎ (ў гэтым разе, здаецца, ня быў). Адкажы, любы чытачэ, што будзе камунальніку за "злачынства" забойства валацужнае жывёлы? Ну, прэія, як шмат заганашыць.
Ў гэтым сэнс пазытыўнага заканадаўства - даць прастору найдрабнейшаму зь дзяржслужачых, а прыганятым (недзяжсэктару) абмежаваць ўсё.
Пападстаўляй замест катка нябожчыка розныя бясшкодныя і безахвярныя рэчы: зброю, рэчывы, камэнтаваньне і так далей. Дай пералічанае дзяржслужачаму і звычайнаму чалавеку, падыдзі да атрыманых сытуацыяў са звычайным правам і з пункту законаў.
Папрацуй галавой, любы чытачэ, паварушы мазгамі