Перамовы пра падрыхтоўку кадраў правёў міністр адукацыі Андрэй Іванец.
Беларусь і Расія збіраюцца сумесна распрацоўваць беспілотнікі. Дзве краіны ўжо абмяркоўваюць стварэнне сістэмы падрыхтоўкі спецыялістаў, расказаў міністр адукацыі Андрэй Іванец у эфіры АНТ.
Іванец узяў удзел у II Міжнародным форуме міністраў адукацыі «Фарміруючы будучыню» ў Казані. Ён правёў перамовы з міністрамі адукацыі іншых краін па пытаннях падрыхтоўкі кадраў, запатрабаваных у Беларусі.
«Напрыклад, з Расійскай Федэрацыяй адпрацоўваем пытанне падрыхтоўкі спецыялістаў для праектавання беспілотных лятальных апаратаў, для авіябудавання. Мы бачым, наколькі важны гэты парадак дня ў святле дамоўленасцяў Аляксандра Лукашэнкі ў рамках наведвання шэрагу рэгіёнаў Расійскай Федэрацыі», — адзначыў Іванец.
У цэнтры ўвагі канферэнцыі таксама былі актуальныя выклікі міжнароднага адукацыйнага асяроддзя, выхаваўчая праца з «апорай на захаванне духоўна-маральных традыцыйных каштоўнасцяў», асаблівасці арганізацыі дзіцячага адпачынку і працы з моладдзю.
Каментары