Падарунак на юбілей? «Беларусьфільм» прыбраў з публічнага доступу шматпакутны фільм па апавяданнях Васіля Быкава
Адрэстаўраваная стужка пра Слуцкае паўстанне недаступная на ютуб-канале кінастудыі.
«Беларусьфільм» прыбраў з публічнага доступу адрэстаўраваны фільм «На чорных лядах» паводле аповесці Васіля Быкава.
Калі менавіта гэта адбылося, невядома. Аднак «Свяшчэнны Белавуд» выявіў знікненне менавіта ў дзень юбілею народнага пісьменніка — сёння Васілю Быкаву споўнілася б 100 гадоў.
Стужка рэжысёра Валерыя Панамарова «На чорных лядах» была знятая ў 1995 годзе. Карціна, заснаваная на творах Быкава «На чорных лядах» і «Перад канцом», расказвае пра Слуцкае паўстанне 1920 года супраць савецкай улады.
Прэм'ера фільма ў 1995-м так і не адбылася, яе паказалі толькі на некалькіх экранах. Рэжысёру намякалі, што за негалоснай забаронай фільма стаіць тагачасны галоўны ідэолаг краіны Уладзімір Замяталін. Пасля запісы фільма распаўсюджваліся ў прыватным парадку, стужка публічна не дэманстравалася.
У 2020 годзе «Беларусьфільм» апублікаваў карціну ў палепшанай якасці на сваім ютуб-канале.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары