Элтан Джон дзясяты раз узначаліў брытанскі хіт-парад са сваім новым альбомам
Альбом запісваўся вельмі цяжка. Элтан Джон крычаў на калег па студыі, рваў тэксты песень і пагражаў сысці.
Сэр Элтан Джон сказаў Бі-бі-сі, што шакаваны тым, што яго альбом у дзясяты раз узначаліў брытанскі хіт-парад.
Пласцінка Who Believes In Angels, напісаная разам з амерыканскай спявачкай Брэнды Карлайл, заняла першае месца праз 52 гады пасля таго, як альбом музыканта Don't Shoot Me I'm Only The Piano Player падняўся на вяршыню чарта ў 1973 годзе.
«Гэта здаецца даволі незвычайным, што мая кар’ера цягнецца так доўга. Заўсёды прыемна ўзначаліць чарт, незалежна ад месца. А ў выпадку з гэтым альбомам я асабліва ўзрушаны, таму што лічу яго лепшым з усяго, што я рабіў за доўгі час», — сказаў сэр Элтан Бі-бі-сі.
Запісаны за тры тыдні ў канцы 2023 года альбом, выпушчаны 4 красавіка на лэйбле Interscope Records, атрымаў захопленыя водгукі крытыкаў. Працэс запісу быў даволі складаным, пра што сведчыць дакументальны фільм, апублікаваны раней на YouTube.
У ім можна бачыць, як Элтан Джон крычыць на калег па студыі, рве тэксты песень і пагражае сысці.
Па яго словах, ён нерваваўся і быў раздражнёны, часткова з-за таго, што аднавіўся пасля пратэзавання тазасцегнавага сустава, а таксама таму, што працаваў па-новаму і з новай камандай.
«Я вельмі нерваваўся, таму што хацеў, каб альбом атрымаўся пэўным, але не заўсёды можна гарантаваць, што так і будзе. Думаю, мае нервы, няўпэўненасць і сумневы прывялі да некалькіх эпізодаў дрэнных паводзін, якія былі звязаныя з расчараваннем у сабе», — кажа музыкант.
Як толькі быў запісаны першы трэк, усё стала на свае месцы, дадае сэр Элтан.
Элтан Джон зраўняўся з ABBA, Queen, Кайлі Міноўг і Майклам Джэксанам у спісе выканаўцаў з найбольшай колькасцю альбомаў нумар адзін у Вялікабрытаніі. Упершыню ён зрабіў гэта ў 1973 годзе.
Гурт The Beatles і Робі Уільямс дзеляць першае месца, маючы па 15 альбомаў нумар адзін.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары