Пластыкавая бутэлька з вадою на сонцы выдзяляе таксіны. Вось што трэба пра гэта ведаць
Вучоныя выявілі новую рызыку ўжывання вады з пластыкавых бутэлек.
Навукоўцы з Цзінаньскага ўніверсітэта (Кітай) прааналізавалі сумесь лятучых арганічных рэчываў (ЛАР), якія выдзяляюцца з шасці тыпаў пластыкавых бутэлек з вадой, калі яны стаяць на сонцы. Пляшкі з вадою былі прывезеныя з розных краін (Канада, Італія, Новая Зеландыя, Японія і Кітай).
Вынікі свайго даследавання вучоныя апублікавалі ў часопісе Eco-Environment & Health. Як сцвярджаюць аўтары, усе бутэлькі пад уздзеяннем сонца выдзялялі цэлы набор высокатаксічных лятучых арганічных рэчываў (ЛАР). Сярод іх і н-гексадэкан, які выклікае рак. Чым больш працяглым быў час знаходжання бутэлек на сонечным святле, тым вышэйшай была канцэнтрацыя шкодных рэчываў.
Акрамя гэтага вучоныя заўважылі ўплыў складу вады на выхад ЛАР. Так, мінеральная вада павялічвала іх выдзяленне, а газаваная запавольвала.
«Вынікі даюць пераканаўчыя доказы таго, што пластыкавыя бутэлькі пад уздзеяннем сонечнага святла могуць вылучаць таксічныя злучэнні, якія ўяўляюць небяспеку для здароўя. Спажыўцы павінны ведаць аб гэтых рызыках, асабліва ва ўмовах, калі вада ў пляшках падвяргаецца ўздзеянню сонечнага святла на працягу доўгага часу», — пішуць аўтары.
На думку навукоўцаў, разуменне таго, як умовы навакольнага асяроддзя могуць уплываць на выдзяленне хімічныя рэчываў у бутыляваную ваду, можа дапамагчы вытворцам забяспечыць бяспеку сваёй прадукцыі і захаваць здароўе насельніцтва.
У той жа час яны адзначаюць, што ўлічваючы невялікі аб'ём адной пластыкавай бутэлькі з вадою, нават пасля працяглага ўздзеяння сонечнага святла выдзяленні ЛАР будуць нязначнымі. Таму патэнцыйныя рызыкі для здароўя, звязаныя з іх удыханнем пры адкрыцці бутэлькі і ўжыванні вады падаюцца мінімальнымі.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары